កំពង់ឆ្នាំង៖ នាថ្ងៃទី ២០ ខែវិច្ឆិកា ឆ្នាំ ២០១៧ រដ្ឋបាលខេត្តកំពង់ឆ្នាំង បានរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តកំពង់ឆ្នាំង អាណត្តិទី២ ឆ្នាំ២០១៧ នៅស្រុកទឹកផុស ខេត្តកំពង់ឆ្នាំង ក្រោមអធិបតីភាពលោកស្រី ដោក សុទ្ធា ប្រធានក្រុមប្រឹក្សាខេត្ត និងលោក ហ៊ី ណាត អភិបាលរងខេត្ត។
អញ្ជើញចូលរួមក្នុងអង្គវេទិកានេះមាន លោក លោកស្រី សមាជិក សមាជិកាក្រុមប្រឹក្សាខេត្ត លោកមេបញ្ជា ការរងកងរាជអាវុធហត្ថខេត្ត លោកស្នងការរងនគរបាលខេត្ត លោកប្រធាន អនុប្រធានមន្ទីរ អង្គភាព នានាជុំ វិញខេត្ត លោកប្រធាន និងសមាជិក សមាជិកាក្រុមប្រឹក្សាស្រុក លោកអភិបាលអភិបាលរងស្រុក លោកប្រធាន អនុប្រធានការិយាល័យជុំវិញស្រុក លោកអធិការនគរបាលស្រុក លោកមេបញ្ជា ការផ្នែក សឹករងស្រុក លោកមេបញ្ជាការ PM ស្រុក លោកមេឃុំ ជំទប់ លោកមេភូមិ ជំនួយការភូមិ និងតំណាងអង្គការក្រៅរដ្ឋាភិបាលជាតិ សរុបចំនួន ២៨៩ នាក់ ។
អង្គវេទិកាបានដំណើរការតាមរបៀបវារៈដែលបានគ្រោងទុក ដោយធ្វើការផ្សព្វផ្សាយរបាយកាណ៍ វឌ្ឍនភាព កម្មវិធីវិនិយោគ របាយការណ៍៍ចំណូល – ចំណាយប្រចាំឆ្នាំ និងរបាយការណ៍បូកសរុបលទ្ធផល ការងារ លើគ្រប់វិស័យ ឆ្នាំ២០១៧ និងបានពិភាក្សាដោះស្រាយនូវបញ្ហា នៅមូលដ្ឋានដោះស្រាយសំណូមពរ របស់តំណាងប្រជាពលរដ្ឋ ទទួលបានលទ្ធផលល្អ ។
សំណួរ និងសំណូមពរមាន២៣ ចំណុច និងស្រាយបំភ្លឺបាន២៣ ចំណុច។ ចំពោះសំណើរ និងសំណូមពរណាដែលអាជ្ញាធរគ្រប់ជាន់ថ្នាក់មិនអាចដោះស្រាយបាន គឺទទួលយក និងធ្វើរបាយការណ៍ដាក់ជូនថ្នាក់ជាតិពិនិត្យ និងដោះស្រាយបន្ត។
សំណូមពរដែលបានលើកឡើងរួមមាន៖ យន្តការកែលំអរបរិស្ថាន និងអនាម័យ, ការជម្រុញពន្លឿនការធ្វើអត្តសញ្ញាណកម្ម, ការលំអរ និងបង្កើតប្រព័ន្ធធារាសាស្ត្រ, ការជួសជុលផ្លូវ, ការតបណ្ដាញអគ្គិសនី, ការខ្ចីបុលធនាគារ ឬស្ថាប័នមេក្រូហិរញ្ញវត្ថុ និងនីតិវិធីនៃការសម្រួលអត្រានុកូលដ្ឋាន ៕
No comments:
Post a Comment