ចំណងជើងនៃការសរសេរដែលចេញផ្សាយកាលពីថ្ងៃសៅរ៍ បានពិពណ៌នាលោក Xi ថាជាប្រធានាធិបតីនៃសាធារណរដ្ឋចិន គឺជាឈ្មោះផ្លូវការនៃរដ្ឋាភិបាលតៃវ៉ាន់ ដែលប្រទេសចិនបដិសេធមិនទទួលស្គាល់នោះ។ លោក Xi ដឹកនាំសាធារណរដ្ឋប្រជាមានិតចិនដែលបានបង្កើតឡើងកាលពីឆ្នាំ១៩៤៩ បន្ទាប់ពីកងកម្លាំងសាធារណរដ្ឋចិនបានភៀសខ្លួនទៅកាន់កោះតៃវ៉ាន់ក្នុងអំឡុងពេលសង្រ្គាមស៊ីវិលដែលបានបង្ហូរឈាម។
សហរដ្ឋអាមេរិកឆ្លើយតបចំពោះការធ្វើតេស្តមីស៊ីលបាញ់ឆ្លងទ្វីប ICBM ដោយផ្តោតទៅលើចិន
កំហុសឆ្គងនេះស្ថិតនៅក្នុងចំណងជើងអត្ថបទប៉ុណ្ណោះ គឺមិនមែនអត្ថបទទាំងមូល ឬនៅក្នុងសុន្ទកថារបស់ប្រធានាធិបតី Donald Trump ទៅកាន់លោក Xi ក្នុងទីក្រុង Hamburg នៃប្រទេសអាល្លឺម៉ង់នោះទេ។
លោក Shi Yinhong ដែលជាសាស្រ្តចារ្យផ្នែកទំនាក់ទំនងអន្តរជាតិនៅឯសាកលវិទ្យាល័យ Renmin ចិន បាននិយាយថា ទីក្រុងប៉េកាំងប្រហែលជាមិនទទួលយកភាពឆកល្វែងផ្នែកបច្ចេកទេសនោះទេ ប៉ុន្តែវាបង្ហាញឱ្យឃើញពីរបៀបដែលសេតវិមានធ្វើការស្ថិតក្រោមការដឹកនាំរបស់លោក Trump និងមិនបានជួយអ្វីទាល់តែសោះដល់ទំនាក់ទំនងចិន-អាមេរិក។
លោក Shi បាននិយាយថា «វាគឺជាចំណេះដឹងមូលដ្ឋានសម្រាប់អ្នកដែលធ្វើការផ្នែកការទូត ប៉ុន្តែឧបទ្ទវហេតុនេះបានបង្ហាញពីអសមត្ថភាពរបស់បុគ្គលិកសេតវិមាន ទំហំប៉ុណ្ណាដែលពួកគេធ្វើជារឿងធម្មតា និងរបៀបដែលពួកគេមានទំនាក់ទំនងគ្នាមិនបានល្អ។ វានឹងធ្វើឱ្យប្រជាជនចិនមើលងាយរដ្ឋាភិបាលអាមេរិកចំពោះអ្វីដែលខ្លួនបានធ្វើឱ្យមានកំហុសឆ្គងរាក់កំផែលបែបនេះ»។
លោក Wang Dong ដែលជាសាស្រ្តចារ្យបម្រុងនៅឯសាលាសិក្សាផ្នែកកិច្ចការអន្តរជាតិនៃសាកលវិទ្យាល័យកំពូល Peking បាននិយាយថា គាត់ជឿថា កំហុសនេះកើតឡើងដោយគ្មានចេតនាទេ ប៉ុន្តែវានៅតែបង្ហាញពីកង្វះសមត្ថភាពនៃក្រុមការងារគោលនយោបាយបរទេសរបស់លោក Trump ខណៈដែលតួនាទីសំខាន់ៗមិនទាន់ត្រូវបានគេតែងតាំងនៅឡើយ។
ទំនាក់ទំនងចិន-អាមេរិកមានភាពល្អកកករ ខណៈដែលមានការគំរាមកំហែងរបស់កូរ៉េខាងជើងកាន់តែកើនឡើង
លោក Wang បាននិយាយថា «វាបង្ហាញពីកង្វះជំនាញវិជ្ជាជីវៈនៃបុគ្គលិកសេតវិមានទាក់ទងទៅនឹងផ្នែកការទូត។ កំហុសខ្លួនឯងមិនអាចធ្វើឱ្យប៉ះពាល់ដល់ទំនាក់ទំនងចិន-អាមេរិកទេ ប៉ុន្តែសេតវិមានគួរតែដកស្រង់បទពិសោធន៍ពីមេរៀននេះ ដើម្បីធ្វើការងាររបស់ខ្លួនឱ្យល្អប្រសើរឡើង។ វាគឺជាកំហុសឆ្គងដ៏រសើបផ្នែកនយោបាយ ដែលមិនគួរណាឱ្យកើតឡើងឡើយ»។
នៅត្រឹមថ្ងៃចន្ទ សេតវិមានបានផ្លាស់ប្តូរចំណងជើងនោះដើម្បីឱ្យងាយអាច ដោយដាក់ថា «ប្រធានាធិបតី Xi នៃប្រទេសចិន»។
ក្នុងអំឡុងពេលដំណើរទស្សនកិច្ចផ្លូវរដ្ឋកាលពីឆ្នាំ២០០៦ របស់អតីតប្រធានាធិបតីចិន លោក Hu Jintao អ្នកប្រកាសកម្មវិធីនៅឯសេតវិមានបាននិយាយថា ទស្សនជននឹងបានស្តាប់ឮភ្លេងជាតិនៃសាធារណរដ្ឋចិន ជំនួសឱ្យសាធារណរដ្ឋប្រជាមានិតចិនទៅវិញ។ ភ្លេងជាតិដែលត្រឹមត្រូវ គឺត្រូវបានគេចាក់យ៉ាងឮៗ៕
ប្រភព: AP ចុះថ្ងៃទី១០ ខែកក្កដា ឆ្នាំ២០១៧
No comments:
Post a Comment