រដ្ឋមន្ត្រីក្រសួងសុខាភិបាល ចុះត្រួតពិនិត្យស្ថានភាពពិនិត្យព្យាបាលជំងឺនៅមន្ទីរពេទ្យគន្ធបុប្ផាភ្នំពេញ

នៅថ្ងៃទី១២ ខែកក្តដា ឆ្នាំ២០១៧ លោក ម៉ម ប៊ុនហេង រដ្ឋមន្ត្រីក្រសួងសុខាភិបាល បានចុះសួរសុខទុក្ខអ្នកជំងឺសំរាកព្យាបាល និងបុគ្គលិកសុខាភិបាលនៅមន្ទីរពេទ្យគន្ធបុប្ឆាទី១។

ក្នុងឱកាសនេះលោកបានសរសើរបុគ្គលិកសុខាភិបាល ដែលខិតខំប្រឹងប្រែងបំពេញការងារដោយមិនខ្លាចនឿយហត់ និងមានភាពទទួលខុសត្រូវវិជ្ជាជីវៈខ្ពស់។ ទន្ទឹមនិងនោះដែរ លោកក៏បានកោតសរសើរថ្នាក់ដឹកនាំនិងបុគ្គលិក នៃមន្ទីរពេទ្យដែលខិតខំផ្តល់សេវាប្រកបដោយនិរន្តភាព។
សូមជម្រាបផងដែរថា មន្ទីរពេទ្យគន្ធបុប្ផាក៏ជាមន្ទីរពេទ្យដែលដើរតួរនាទីយ៉ាងសំខាន់ ក្នុងការបណ្តុះបណ្តាលដល់និសិ្សតជំនាន់ក្រោយក្នុងជំនាញរោគកុមារ។ក្រសួងសុខាភិបាលនឹងបន្តខិតខំប្រឹងប្រែងសហប្រតិបត្តិការជាមួយមូលនិធិគន្ធបុប្ផាក្នុងការធានានិរន្តរភាពនៃការផ្តល់សេវាជូនប្រជាពលរដ្ឋដោយមានប្រសិទ្ធិភាពខ្ពស់៕