ខេត្តកែប៖ កាលពីថ្ងៃទី០៣ ខែសីហា ឆ្នាំ២០១៧ កម្មវិធីបិទវគ្គបណ្តុះបណ្តាលស្តីពីការរៀបចំ និងកសាងផែនការអភិវឌ្ឍន៍ និងកម្មវិធីវិនិយោគបីឆ្នាំរំកិលសង្កាត់ ត្រូវបានរៀបចំឡើងក្រោមអធិបតីភាព លោក សោម ពិសិដ្ឋ អភិបាលរងខេត្តកែប និងជាប្រធានគណៈកម្មាធិការគ្រប់គ្រងមណ្ឌលអភិវឌ្ឍន៍ធនធានមនុស្សខេត្ត ប្រធានក្រុមប្រឹក្សាក្រុង អភិបាលក្រុង ប្រធានមន្ទីរផែនការខេត្ត ទីប្រឹក្សាគ្រប់គ្រងកម្មវិធីជាតិថ្នាក់ខេត្ត។
ដែលគោលបំណង នៃវគ្គបណ្ដុះបណ្ដាលនេះ គឺដើម្បីពង្រឹងសមត្ថភាពដល់ក្រុមប្រឹក្សាសង្កាត់ គណៈកម្មាធិការកសាងផែនការ និងថវិកា និងក្រុមអ្នកពាក់ព័ន្ធឱ្យមានការយល់ដឹងអំពី ដំណើរការកសាងផែនការអភិវឌ្ឍន៍រយៈពេល ប្រាំឆ្នាំ និងការកសាងកម្មវិធីវិនិយោគបីឆ្នាំរំកិល ឱ្យកាន់តែច្បាស់បន្ថែមទៀត។
វគ្គនេះផងដែរក៏មានការអញ្ជើញពីសំណាក់ អស់លោក លោកស្រី សមាជិកក្រុមប្រឹក្សាក្រុង អភិបាលរងក្រុង ក្រុមប្រឹក្សាសង្កាត់ទាំងបី ស្មៀន មេភូមិ អនុភូមិ ការិយាល័យផែនការ និងគាំទ្រសង្កាត់របស់សាលាក្រុង ក្រុមការងារបច្ចេកទេសថ្នាក់ខេត្ត មន្ទីរផែនការខេត្ត ទីប្រឹក្សាគ្រប់គ្រងកម្មវិធីជាតិថ្នាក់ក្រុង បុគ្គលិកគាំទ្របច្ចេកទេសក្រុង និងមន្ត្រីរាជការនានាដែលពាក់ព័ន្ធ៕
No comments:
Post a Comment