អភិបាលខេត្តក្រចេះ ផ្តាំផ្ញើដល់លោកគ្រូ អ្នកគ្រូថ្មីដែលបានបញ្ចប់ការសិក្សាឱ្យយកចិត្តទុកដាក់បំពេញភារកិច្ចឱ្យបានល្អ

នៅថ្ងៃទី០៣ ខែសីហា ឆ្នាំ២០១៧ លោក សរ ចំរុង អភិបាលនៃគណៈអភិបាលខេត្តក្រចេះ បានអញ្ជើញជាអធិបតីក្នុងពិធិបិទវគ្គបណ្តុះបណ្តាលគ្រូបឋមសិក្សា១២+២ ជំនាន់ទី ៣៤ នៅសាលមហោស្រពខេត្ត និងមានការចូលរួមពីថ្នាក់ដឹកនាំខេត្ត ក្រុង មន្ទីរ អង្គភាពជុំវិញខេត្ត លោកគ្រូ អ្នកគ្រូ គរុសិស្សសរុបប្រមាណ២០០នាក់។

នៅក្នុងពិធីនេះ លោកអភិបាលខេត្ត បានថ្លែងអំណរគុណដល់លោកគ្រូ អ្នកគ្រូដែលខិតខំបង្ហាត់បង្រៀនផ្ទេរចំណេះដឹងដល់គរុសិស្សទាំងអស់ និងបានផ្តាំផ្ញើដល់លោកគ្រូ អ្នកគ្រូថ្មីដែលបានបញ្ចប់ការសិក្សាឱ្យយកចិត្តទុកដាក់បំពេញភារកិច្ចឱ្យល្អនៅតាមមូលដ្ឋានរបស់ខ្លួនដែលនឹងត្រូវទៅបង្រៀន។

នៅក្នុងឱកាសនោះ លោកអភិបាលខេត្ត ក៏បានឧបត្ថម្ភថវិកាចំនួន៣លានរៀលក្នុងពិធីបិទវគ្គនោះផងដែរ៕