លោក ឈួរ ច័ន្ទឌឿន ត្រូវបានតែងតាំងជាអភិបាលខេត្តកំពង់ឆ្នាំង សម្រាប់អាណត្តិទី២បន្តទៀត

យោងតាមព្រះរាជក្រឹត្យ ន.ស/រ.ក.ត/០៨១៧/៥៩៦ ចេញថ្ងៃទី០២ ខែសីហា ឆ្នាំ២០១៧ ដែលចុះហត្ថលេខាដោយ លោក សាយ ឈុំ ប្រមុខរដ្ឋស្តីទី និងជាប្រធានព្រឹទ្ធសភា បានត្រាស់បង្គាប់ តែងតាំងលោក ឈួរ ច័ន្ទឌឿន ឋានន្តរស័ក្តិឧត្តមមន្ត្រី ថ្នាក់លេខ៣ ជាអភិបាលនៃគណៈអភិបាលខេត្តកំពង់ឆ្នាំង សម្រាប់អាណត្តិទី២ ក្នុងដែនសមត្ថកិច្ចដដែល។

គួរបញ្ជាក់ថា លោក ឈួរ ច័ន្ទឌឿន បច្ចុប្បន្នជាអភិបាលនៃគណៈអភិបាលខេត្តកំពង់ឆ្នាំង ដែលកំពុងបំពេញភារៈកិច្ចក្នុងអាណត្តិទី១របស់ខ្លួន ផ្នែកតាមអនុក្រឹត្យនេះ លោក ឈួរ ច័ន្ទឌឿន នឹងបន្តបំពេញតួនាទីជាអភិបាលខេត្តកំពង់ឆ្នាំងបន្តទៀត នៅពេលចប់អាណត្តិទី១រយៈពេល៤ឆ្នាំ៕