ការអភិវឌ្ឍតាមការផ្តល់សេវា អោយនៅជិតប្រជាពលរដ្ឋគឺល្អបំផុត

កំពង់ឆ្នាំង៖ លោក អម សុភា នាយករដ្ឋបាល ខេត្តកំពង់ឆ្នាំង បានមានប្រសាសន៍ថា ដើម្បីអោយការអភិវឌ្ឍខេត្តកំពង់ឆ្នាំង សម្រេចបាន នូវចក្ខុវិស័យគោលដៅការអភិវឌ្ឍ ស្របតាមគោលនយោបាយ របស់រាជរដ្ឋាភិបាល តម្រូវអោយថ្នាក់ក្រោមជាតិត្រូវអភិវឌ្ឍន៍ ឱ្យចំទិសដៅ និងតម្រូវការដែលជាសំណូមពរចាំបាច់របស់ប្រជាពលរដ្ឋ ក្នុងការបង្កើនប្រាក់ចំណូលប្រចាំថ្ងៃរបស់ពួកគាត់។

លោក អម សុភា បានមានប្រសាសន៍បែបនេះ នាព្រឹកថៃ្ងទី០៣ ខែសីហា ឆ្នាំ២០១៧ ក្នុងកិច្ចប្រជុំ របស់លេខាធិការដ្ឋាន គណៈកម្មការជម្រុញចលនាភូមិមួយផលិតផលមួយ របស់ ខេត្តកំពង់ឆ្នាំង នៅមន្ទីរផែនការ ខេត្តកំពង់ឆ្នាំង ដោយមានការ ចូលរួមពីប្រធានអង្គភាពជុំវិញខេត្ត អភិបាល ក្រុង ស្រុក សរុប ចំនួន៤៥នាក់។

លោកបានមានប្រសាសន៍បន្តថា ការអភិវឌ្ឍសេដ្ឋកិច្ច និងសង្គម តាមការផ្តល់សេវាអោយនៅកៀក ប្រជាពលរដ្ឋការពារធនធានធម្មជាតិ, បរិស្ថានការបង្កើនសុខមាលភាពជូនប្រជាពលរដ្ឋ និងការឆ្លើយតប បានទាន់ពេលវេលានូវសំណូមពររបស់ ប្រជាពលរដ្ឋបានទាន់ ពេលវេលា។

លោកក៏បានផ្តាំផ្ញើដល់សមាជិកសមាជិកា អង្គប្រជុំទាំងអស់ ត្រូវធ្វើការចែករំលែកនូវបទពិសោធន៍ ពីគ្នាទៅវិញទៅមកក្នុងការអនុវត្តការងារនេះ អោយបានគ្រប់ជ្រុងជ្រោយសំរាប់អភិវឌ្ឍន៍ ខេត្តកំពង់ឆ្នាំង សម្រេចបានជោគជ័យស្របតាម ទិសដៅគោលនយោជាតិ ដែលរាជរដ្ឋាភិបាល ដឹកនាំដោយ លោកនាយករដ្ឋមន្ត្រី ហ៊ុន សែន បានដាក់ចេញ ដើម្បីកាត់បន្ថយភាពក្រីក្រ របស់ប្រជាជន៕