កាកបាទក្រហមកម្ពុជាខេត្តស្វាយរៀង ចុះសួរសុខទុក្ខ និងនាំយកអំណោយចែកជូនលោកយាយក្រីក្រជួបការលំបាកចិញ្ចឹមចៅ

ក្រោយពីបានព័ត៌មានករណីលោកយាយ ភូ សាវាន អាយុ៦៣ ឆ្នាំ រស់នៅភូមិបាត់ថង់ ឃុំគគីរសោម ស្រុកស្វាយទាប នៅថ្ងៃទី០៣ ខែសីហា ឆ្នាំ២០១៧ ដោយបានការចាត់តាំងពីលោក ម៉ែន វិបុល អភិបាលខេត្តស្វាយរៀង និងជាប្រធានគណៈកម្មាធិការសាខាកាកបាទក្រហមកម្ពុជាខេត្តស្វាយរៀង លោក សរ វណ្ណា ប្រធានសាខាខេត្ត ព្រមទាំងមន្រ្តីសាខា និងអនុសាខាស្រុកស្វាយទាប បានចុះសួរសុខទុក្ខនិងនាំយកអំណោយចែកជូនលោកយាយក្រីក្រជួបការលំបាកចិញ្ចឹមចៅ ១ នាក់ក្នុងជីវភាពប្រចាំថ្ងៃ។

អំណោយដែលបានចែកនាពេលនោះរួមមាន៖ អង្ករ ៣០គីឡូក្រាម កៅស៊ូតង់ ១ កន្ទេលជ័របត់១ ឆ្នាំងបាយសម្ល២ ធុងទឹកជ័រ១ ភួយ១មុង១សារុង១ ក្រមា១ មី ១កេសទឹកស៊ីអ៊ីវ៦ដប និងថវិកា ១០០,០០០៛ ។ នៅពេលចែកនោះ ក៏មានសំណូមពរពីប្រជាពលរដ្ឋទីនោះ សុំសង័្គសីប្រក់ផ្ទះឈ្មោះ សេក ឡុន ស្ត្រីមេម៉ាយរស់នៅម្នាក់ឯងមានការធ្លុះធ្លាយដំបូល បានឧបត្ថម្ភ ថវិកា ១៥០,០០០៛ ផងដែរ៕