ខណៈដែលយើងឆ្ងល់ ថាតើនៅពេលដែលនាយករដ្ឋមន្រ្តីម៉ាឡេស៊ី លោក Najib Razak នឹងអំពាវនាវឱ្យមានការបោះឆ្នោតថ្នាក់ជាតិនោះ គាត់ត្រូវតែដាក់ចេញនូវសំណួរសំខាន់ៗមួយចំនួន ប្រហែលជាអាចពិចារណាពីកេរ្តិ៍ដំណែលរបស់គាត់ផងដែរ។ ផលប្រយោជន៍ និងការសន្យានៃគោលនយោបាយសេដ្ឋកិច្ចនឹងអាចយកឈ្នះភាពមិនពេញចិត្តចំពោះបញ្ហាចំណាយប្រចាំថ្ងៃ និងអំពើពុករលួយបានដែរឬទេ? តើការបង្អាក់សកម្មភាពរបស់សម្ព័ន្ធមិត្តចាស់ៗអាចនឹងបង្កឱ្យមានប្រតិកម្មខ្លាំងឡើងឬ? តើគាត់អាចនឹងបន្តផែនការយូរអង្វែងក្នុងការធ្វើឱ្យជីវិតជនជាតិម៉ាឡេស៊ីប្រសើរឡើងបានទេ ឬក៏គ្រាន់តែការពារនយោបាយដែលបែកបាក់ដូចអនុវត្តន៍សព្វថ្ងៃនេះ?
លោក Najib ត្រូវតែអំពាវនាវឱ្យមានការបោះឆ្នោតនៅត្រឹមពាក់កណ្តាលឆ្នាំ២០១៨ ខាងមុខនេះ ប៉ុន្តែការឃោសនាបោះឆ្នោតបានធ្វើឡើងរួចមកហើយតាមរលកធាតុអាកាសម៉ាឡេស៊ី។ រដ្ឋការរបស់គាត់បានធ្វើឱ្យមានកិច្ចព្រមព្រៀងផ្នែកវិនិយោគទុន ដោយដាក់ចេញនូវវិធានការដ៏ពេញនិយមមួយចំនួន ដែលរួមមានការដោះដូរ របៀបនៃការវាយលុកប្រឆាំងនឹងសត្រូវនយោបាយ និងការព្យាករណ៍ទុកពីរូបភាពនៃមេដឹកនាំនិយមកណ្តាលដែលគេកំពុងតែទន្ទឹងរង់ចាំ។
គន្លឹះសេដ្ឋកិច្ចសំខាន់ៗក្នុងការបោះឆ្នោតនាពេលខាងមុខ
ការវិនិច្ឆ័យតាមអារម្មណ៍ជាក់ស្តែងនោះគឺឃើញថា កក្តាសេដ្ឋកិច្ចនឹងអាចមានការសម្រេចចិត្តច្បាស់លាស់នៅក្នុងការឆ្នោតនាពេលខាងមុខ។ សេដ្ឋកិច្ចរបស់ប្រទេសនេះមានការរីកចម្រើនឥតឈប់ឈរ និងមានមូលដ្ឋានគ្រឹះរឹងមាំ ខណៈដែលលោក Najib រំលឹកដល់ប្រជាជនម៉ាឡេស៊ីឱ្យយកចិត្តទុកដាក់។ ប៉ុន្តែសម្លេងដែលស្រែកតាមដងផ្លូវបានបន្លឺឡើងថា គ្មានភាពអនុគ្រោះ និងអសន្តិសុខ ប្រាក់ចំណូលមិនជាប់លាប់ ប្រាក់បំណុលកើនឡើង ហើយតម្លៃនៃការចាយវាយប្រចាំថ្ងៃក៏កើនឡើងខ្ពស់ផងដែរ។
រដ្ឋាភិបាលចម្រុះកំពុងតែគ្រប់គ្រងអំណាចរបស់គណបក្ស Barisan Nasional (BN) ដែលដឹកនាំដោយលោក Najib ជាប្រធានគណបក្ស UMNO ឈានមុខគេនោះ កំពុងតែខិតខំធ្វើឱ្យមានអារម្មណ៍ល្អ។ ប៉ុន្តែការដែលធ្វើដូច្នេះ គឺមានការលំបាកណាស់នៅពេលដែលប្រជាជនកំពុងតែកាត់បន្ថយការចំណាយរបស់ខ្លួន ហើយអតិផរណាជាបញ្ហាដ៏ធំបំផុតដែលពិបាកក្នុងការគ្រប់គ្រងនោះ។
រដ្ឋការរបស់លោក Najib បន្តផ្តល់សំណងតាមរយៈជំនួយសង្គម មានដូចជាគម្រោង1Malaysia People’s Aid Scheme (BR1M) ដែលអ្នកទទួលបានការឧបត្ថម្ភផ្នែកសុខមាលភាពប្រហែលជា ៧ លាននាក់ ដែលវាបានធ្វើឱ្យគណបក្ស Barisan Nasional (BN) កាន់តែមានប្រជាប្រិយភាពខ្លាំងឡើង។ ប៉ុន្តែស្របពេលជាមួយគ្នានោះដែរ ពន្ធទំនិញ និងសេវាកម្ម (Good and Services Tax, GST) ដ៏គ្មានប្រជាប្រិយភាព ដែលបានដាក់ឱ្យអនុវត្តន៍កាលពីឆ្នាំ២០១៥ ក្នុងអត្រា ៦ ភាគរយនោះ ត្រូវបានគេមើលឃើញថា ជាមូលហេតុសំខាន់ដែលធ្វើឱ្យមានអតិផរណា និងផ្តោតលើការរិះគន់របស់គណបក្សប្រឆាំងដែលនិយាយអំពីប្រវត្តិរបស់លោក Najib។
ការចំណាយលើតម្លៃរស់នៅប្រចាំថ្ងៃដែលធ្វើឱ្យមានអារម្មណ៍មិនល្អបែបនេះ បានធ្វើឱ្យប៉ះពាល់យ៉ាងខ្លាំងដល់ដល់ជនជាតិភាគតិច Bumiputera ភាគច្រើន ដែលមានជនជាតិដើមភាគតិចមួយចំនួន និងក្រុមជនជាតិភាគតិចម៉ាឡេផ្សេងៗទៀត ដោយសារតែពួកគេមានប្រាក់ចំណូលទាប។ រដ្ឋាភិបាលចម្រុះដែលកំពុងតែគ្រប់គ្រងអំណាចអាចព្រួយបារម្ភផងដែរថា ភាពលំបាកផ្នែកសេដ្ឋកិច្ចអាចនឹងជះឥទ្ធិពលដល់ការគាំទ្រគណបក្ស UMNO របស់ខ្លួន ដោយសារតែមានការរំពឹងទុកយ៉ាងខ្លាំងថា សហគមន៍នេះនឹងគាំទ្ររដ្ឋាភិបាល។
រដ្ឋាភិបាលម៉ាឡេស៊ីបានរំលេចឱ្យឃើញពីជ័យជំនះរបស់ខ្លួនផងដែរ ក្នុងការទាក់ទាញវិនិយោគទុនរបស់ចិន។ កញ្ចប់ថវិកាដែលមានទឹកប្រាក់ចំនួន ១៤៤ ពាន់លានរិងហ្គិត ដែលត្រូវបានធានានូវសុវត្ថិភាពពីដំណើរទស្សនកិច្ចរបស់រដ្ឋាភិបាលទីក្រុងប៉េកាំងកាលពីខែវិច្ឆិកា ឆ្នាំ២០១៦ រាប់បញ្ចូលទាំងការតភ្ជាប់ផ្លូវរថភ្លើងនៅឆ្នេរសមុទ្រខាងកើត (East Coast Rail Link) ដែលនឹងភ្ជាប់ពីតំបន់មួយចំនួនដែលភាគច្រើនសុទ្ធតែជនជាតិម៉ាឡេទៅកាន់ទីក្រុង Kuala Lumpur។ ប៉ុន្តែកិច្ចព្រមព្រៀងវិនិយោគទុនបរទេសទាំងអស់នេះ ត្រូវបានគេរិះគន់ចំពោះការបង្កើនការកាន់កាប់កម្មសិទ្ធិបរទេស និងប្រាក់បំណុល។ ភាពចម្រូងចម្រាសដទៃទៀតដែលកំពុងតែគ្រប់គ្រងលើទីភ្នាក់ងារអភិវឌ្ឍន៍ Bumiputera របស់ក្រុមហ៊ុន MARA និងក្រុមហ៊ុន Felda Global Ventures ដែលមានការចូលរួមយ៉ាងច្រើនពីជនជាតិម៉ាឡេដែលកាន់កាប់ភាគហ៊ុនដូងប្រេងតូចៗ បានជំទាស់នឹងទស្សនៈរបស់លោក Najib ដែលថាខ្លួនជាអ្នកការពារសុខមាលភាពរបស់ប្រជាជន។
ការកម្ចាត់សត្រូវ បានបង្ហាញនូវសក្តានុពលនយោបាយថ្មី
នៅពេលមិនពេញចិត្តចំពោះគោលនយោបាយរបស់រដ្ឋាភិបាល និងភាពចម្រូងចម្រាសខាងនយោបាយក្នុងចំណោមអ្នកកាន់តួនាទីទាំងនោះ ការអនុវត្តជាទូទៅរបស់ម៉ាឡេស៊ី គឺត្រូវតែកម្ចាត់សត្រូវចោល ប៉ុន្តែស្ថានភាពនេះបានបង្ហាញនូវសក្តានុពលថ្មី។
ការលាតត្រដាងដែលធ្វើឱ្យផ្ទុះឡើងយ៉ាងខ្លាំងក្នុងរយៈពេលប៉ុន្មានឆ្នាំថ្មីៗនេះ ទាក់ទិនទៅនឹងទឹកប្រាក់ចំនួន ៦៨១ លានដុល្លារអាមេរិកដែលបានដាក់ចូលទៅក្នុងគណនីធនាគារឯកជនរបស់លោក Najib ត្រូវបានរកឃើញតាមប្រភពព័ត៌មាននៃគម្រោង 1MDB តាមរយៈសេចក្តីរាយការណ៍ព័ត៌មានមួយចំនួន និងពាក្យបណ្តឹងទាមទារសំណងស៊ីវិលរបស់ក្រសួងយុត្តិធម៌អាមេរិក កាលពីខែកក្កដា ឆ្នាំ២០១៦។ ក្នុងពេលការពារ លោក Najib បានអះអាងថា មូលនិធិនេះត្រូវបានបរិច្ចាកដោយព្រះចៅអធិរាជអារ៉ាប៊ីសាអូឌីត។ អគ្គព្រះរាជអាជ្ញាបានទទួលយកការពន្យល់ និងបានធ្វើឱ្យលោក Najib រួចពិរុទ្ធភាព។
គណបក្សប្រឆាំងព្យាយាមដើម្បីការរួបរួមគ្នា
ប៉ុន្តែលោក Najib អាចនឹងយកឈ្នះ ពីព្រោះគណបក្សប្រឆាំងមិនមានលក្ខណៈល្អប្រសើរទេ។ ទោះបីជាយ៉ាងណាក៏ដោយ លោក Anwar Ibrahim ដែលជាអតីតមេដឹកនាំគណបក្សប្រឆាំងធ្លាប់ជាប់ពន្ធនាគារនោះ បាននិយាយថា គាត់នឹងមិនប្រឹងប្រែងដើម្បីយកមុខតំណែងធ្វើជានាយករដ្ឋមន្រ្តីទេ។ សម្ព័ន្ធមិត្តរបស់គណបក្សប្រឆាំងបានព្យាយាមដើម្បីការរួបរួមគ្នាក្នុងពេលពេលអវត្តមានរបស់គាត់ និងភាពរួញរារបស់ពួកគេក្នុងការឈរឈ្មោះជាបេក្ខជនសម្រាប់តំណែងនាយករដ្ឋមន្រ្តី។ អំណាចលេចធ្លោរជាងគេរបស់លោក Najib ក្នុងនាមជាមេរបស់ក្រុមកាន់អំណាចទាំងនោះ គឺកំពុងត្រូវបានគេលាតត្រដាងដោយភាពមោះមុតរបស់ពួកប្រឆាំងគាត់។
មេដឹកនាំដែលគិតពីមនុស្សជំនាន់ថ្មី
លោក Najib ជាមនុស្សដែលរាំងខ្ទប់គេដោយគ្មានក្តីមេត្តា ហើយបានបង្វែរបញ្ហា 1MDB ប៉ុន្តែនៅតែមិនអាចកកាយកប់រឿងនេះបាន។ កាលពីថ្ងៃទី១៥ ខែមិថុនា ក្រសួងយុត្តិធម៌អាមេរិកបានដាក់ពាក្យបណ្តឹងទាមទារសំណងមួយផ្សេងទៀត រួមមានភស្តុតាងបង្ហាញឱ្យឃើញថា ទឹកប្រាក់ស្ទើរតែ៣០ លានដុល្លារអាមេរិក ដែលបានលួចបន្លំពីមូលនិធិត្រូវបានគេចំណាយលើគ្រឿងអលង្ការរបស់ប្រពន្ធលោក Najib គឺលោកស្រី Rosmah Mansor៕
ប្រភព: Channel News Asia ចុះថ្ងៃទី០២ ខែសីហា ឆ្នាំ២០១៧
No comments:
Post a Comment