កាកបាទក្រហមកម្ពុជា ខេត្តព្រៃវែង ចុះសំណេះសំណាលសួរសុខទុក្ខ និងប្រគល់ផ្ទះ ចំនួន ២ខ្នងជូនដល់គ្រួសារក្រីក្រគ្មានទីពឹង

នៅថ្ងៃទី០៣ ខែសីហា ឆ្នាំ២០១៧ សាខាកាកបាទក្រហមកម្ពុជា ខេត្តព្រៃវែង ដឹកនាំដោយ លោកឧកញ៉ា សុខ ផេង អនុប្រធានអចិន្រ្តៃយ៍គណៈកម្មាធិការសាខា តំណាងលោក ជា សុមេធី ប្រធានគណៈកម្មាធិការសាខា និងសហការី បានអញ្ជើញចុះសំណេះសំណាល សួរសុខទុក្ខ និងប្រគល់ផ្ទះ ចំនួន ២ខ្នង ទំហំ ៤មx៥ម ធ្វើអំពីឈើជញ្ជាំង និងដំបូលប្រក់ស័ង្កសី និងបង្គន់អនាម័យ ចំនួន ២បង្គន់ ជាអំណោយរបស់សាខាខេត្ត ជូនដល់គ្រួសារក្រីក្រគ្មានទីពឹង ចំនួន ២គ្រួសារ នៅស្រុកមេសាង។

គ្រួសារក្រីក្រចំនួន០២គ្រួសារនោះរួមមាន៖ ១- ឈ្មោះ វ៉ិត រ៉េត ភេទស្រី អាយុ ៥០ឆ្នាំ រស់នៅភូមិគ្រើល ឃុំព្រៃរំដេង ស្រុកមេសាង ខេត្តព្រៃវែង ទទួលបានផ្ទះ ១ខ្នង មានលេខកូដ ៤៥ និងបង្គន់ មានលេខកូដ ៣៩។ ២- ឈ្មោះ ជូ យ៉ាន ភេទស្រី អាយុ ៨៦ឆ្នាំ រស់នៅភូមិត្រពាំងស្រែ ឃុំត្រពាំងស្រែ ស្រុកមេសាង ខេត្តព្រៃវែង ទទួលបានផ្ទះ ១ខ្នង មានលេខកូដ ៤៦ និងបង្គន់ មានលេខកូដ ៤០។

ក្រៅពីការផ្តល់ផ្ទះ និងបង្គន់អនាម័យ សាខាកាកបាទក្រហម បានផ្តល់ជូននូវអំណោយបន្ថែមទៀតដោយក្នុង ១គ្រួសារទទួលបាន អង្ករ ២៥គីឡូក្រាម កន្ទេល ០១ ឃីត ០១កញ្ចប់ មី ០១កេស ត្រីខ ០១យួរ អាហារបំប៉ន ០២កញ្ចប់ និងថវិកា ចំនួន ១០០,០០០រៀល៕