កងយោធពលខេមរភូមិន្ទជាកម្លាំងមួយ ដែលការពារដ៏រឹងមាំនូវសន្តិសុខសណ្តាប់ធ្នាប់របស់ជាតិមិនឲ្យមានបដិវត្តពណ៌កើតឡើង

នៅថ្ងៃទី០៣ ខែកក្កដា ឆ្នាំ ២០១៧ នាយឧត្តមសេនីយ៍ នាង ផាត រដ្ឋលេខាធិការក្រសួងការពារជាតិ បានអញ្ជើញផ្សព្វផ្សាយការងារអប់រំចិត្តសាស្រ្ត និងសភាពការណ៍ថ្មីៗ ប្រចាំឆមាសទី២ ឆ្នាំ២០១៧ នៅសាលប្រជុំក្រសួងការពារជាតិ ។

នាយឧត្តមសេនីយ៍ នាង ផាត បានសង្កត់ធ្ងន់ថា កងយោធពលខេមរភូមិន្ទជាកម្លាំងការពារដ៏រឹងមាំនូវសន្តិសុខសណ្តាប់ធ្នាប់របស់ជាតិ មិនឲ្យមានបដិវត្តពណ៌ណាមួយកើតបានឡើយ។ នាយឧត្តមសេនីយ៍ នាង ផាត បន្ថែមថា សភាពការណ៌ទូទៅ ទាំងសភាពការណ៍ជាតិ និងអន្តរជាតិពង្រឹងស្ថិរភាពនយោបាយ សន្តិភាពបានល្អប្រសើរ។ កងទ័ពទាំងអស់ ទាំងដែនកោះ ដែនគោក និងសមុទ្រត្រូវបានចូលរួមអភិឌ្ឍន៍ប្រទេសជាតិការពារបូរណ ភាពទឹកដី ក្នុងនោះ ខ.ភ.ម បានចូលរួមអភិវឌ្ឍន៍សង្គមបានយ៉ាង ច្រើនពិសេសកងវិស្វកម្ម បានចូលរួមអភិវឌ្ឍន៍ផ្លូវថ្នល់ តាបណ្តោយព្រំដែនបានយ៉ាងច្រើន ចួលរួមទប់ស្កាត់រាល់បទល្មើសផ្សេងៗ ទប់ស្កាត់រាល់ការប៉ុនប៉ងណាមួយ ចង់ផ្តួលរលំរដ្ឋាភិបាលស្របច្បាប់ ដើម្បីការពារបូរណភាពទឹកដី ការពារស្ថិរភាព សន្តិសុខជាតិ ចូលរួមអភិវឌ្ឍប្រទេសជាតិ ។កងយោធពលខេមរភូមិន្ទត្រូវប្តេជ្ញាចូលរួមអនុវត្តឲ្យបានជោគជ័យគោរពតាមបទបញ្ជា សេចក្តីណែនាំរបស់ក្រសួងការពារជាតិ អគ្គបញ្ជាការ ត្រូវហ៊ានពលិកម្មគ្រប់បែបយ៉ាង និងគ្រប់កាលៈទេសៈក្នុងការអនុវត្តភារកិច្ចបម្រើជាតិមាតុ ភូមិឲ្យមានសន្តិសន្តិភាព និងមានការអភិវឌ្ឍលើគ្រប់វិស័យ។ លោក នាង ផាត បានមានប្រសាសន៍ថា សន្តិភាពមិនងាយរកទេ ដូច្នេះយើងត្រូវការពារឲ្យបានជាដាច់ខាត ៕