ការវិលត្រឡប់របស់លោក Mahathir មកកាន់ឆាកនយោបាយ បើទោះបីជាគាត់បានចូលរួមនៅក្នុងក្រុមអតីតសត្រូវខាងនយោបាយរបស់គាត់ក៏ដោយ ក៏សកម្មភាពរបស់គាត់នេះ បានផ្តល់នូវគុណសម្បត្តិច្រើន។
ខណៈដែលនយោបាយរបស់ម៉ាឡេស៊ីមានភាពខុសគ្នា ទៅនឹងនយោបាយនៅសិង្ហបុរីនោះ ប្រទេសទាំងពីរបានចែករំលែកនូវប្រវត្តិនយោបាយដូចគ្នាទៅវិញ។ នេះជាកត្តា ដែលទាំងគណបក្សរណសិរ្សជាតិ Barisan Nasional (BN) និងគណបក្ស People’s Action Party- PAP បានកាន់អំណាចដោយគ្មានការរាំងស្ទះ ចាប់តាំងពីប្រទេសទាំងពីរនេះទទួលបានឯករាជ្យ។
ក៏ប៉ុន្តែ មានចំណុចដែលពួកគេមានជារួម រហូតដល់ការបង្កើតគណបក្ស Pakatan Rakyat នៅម៉ាឡេស៊ីមុនការបោះឆ្នោតឆ្នាំ២០០៨ នោះគឺ ការបែកបាក់របស់គណបក្សប្រឆាំង ទៅរកការបង្កើតគណបក្សប្រឆាំងផ្សេងៗគ្នា។
ទោះបីជាយ៉ាងណាក៏ដោយ ចំណុចទីមួយដែលគណបក្សប្រឆាំងរបស់សិង្ហបុរីត្រូវរៀនសូត្រពីគណបក្សប្រឆាំងរបស់ម៉ាឡេស៊ីនោះ គឺធានានូវសេវាកម្មរបស់ក្រុមវរជន។ ចំណុចនេះ បានធានាដល់ការគាំទ្របន្ថែមទៀតដល់គណបក្សប្រឆាំងរបស់ម៉ាឡេស៊ីក្នុងការបោះឆ្នោតថ្មីៗនេះ។
គណបក្សប្រឆាំងរបស់ម៉ាឡេស៊ី បានពឹងផ្អែកភាគច្រើនលើលោក Anwar Ibrahim អតីតរដ្ឋមន្រ្តីហិរញ្ញវត្ថុ និងជាអនុរដ្ឋមន្រ្តី នៅអាណត្តិលោក Mahathir Mohamad នៅឆ្នាំ ២០០៨ និងឆ្នាំ២០១៣។
វត្តមានរបស់លោក Anwar បានជំរុញឱ្យគណបក្សប្រឆាំងមានការងើបឡើង ដោយមានការប្រមូលផ្តុំគ្នាយ៉ាងធំនៅក្នុងនយោបាយ តាមដងផ្លូវ ដែលមិនធ្លាប់ឃើញចាប់តាំងពីម៉ាឡេស៊ីទទួលបានឯករាជ្យ។
ដោយលោក Anwar Ibrahim ជាប់ពន្ធនាគារ គណបក្សប្រឆាំងងាកមកគាំទ្រលោក Mahathir វរជននយោបាយចូលនិវត្តន៍នៃគណបក្សកាន់អំណាច Umno។
លោក Mahathir បង្រួបបង្រួមគណបក្សប្រឆាំង
លោក Mahathir បាននាំមកវិញនូវការផ្សះផ្សាក្នុងចំណោមគណបក្សប្រឆាំងដោយនាំពួកគេមកអង្គុយចុះ និងពិភាក្សាលើបញ្ហាពិតប្រាកដ គឺជាទម្លាក់នាយករដ្ឋមន្រ្តីម៉ាឡេស៊ី លោក Najib Razak។
រឿងនេះមានន័យយ៉ាងច្បាស់ថា ឈ្នះ ឬក៏ចាញ់ក៏ដោយ ក៏គណបក្សប្រឆាំងនឹងប្រយុទ្ធរហូតដល់សន្លឹកឆ្នោតចុងក្រោយ ដោយមានគោលបំណងទម្លាក់លោក Najib។
លោក Mahathir បានប្រមូលផ្តុំគណបក្សប្រឆាំងដែលបែកបាក់គ្នា ដែលដូចនឹងការបែកបាក់នៅសិង្ហបុរីដែរ ដើម្បីរកដំណោះស្រាយកាន់តែល្អសម្រាប់ការតស៊ូររបស់ពួកគេ។
លោក Mahathir បានរៀបចំឱ្យមាននូវកិច្ចព្រមព្រៀងមួយក្នុងចំណោមគណបក្សប្រឆាំង ហើយជំហរឆ្ពោះទៅមុខទៀតនោះ គឺការពិភាក្សាជាមួយគណបក្ស Pakatan Harapan និងបញ្ហានៃការលៃលកអាសនៈ។
ការបំផ្លាញការផ្តោតជាសំខាន់របស់គណបក្ស Umno ចំពោះគណបក្ស DAP
ស្ថិតក្រោមកិច្ចព្រមព្រៀងរបស់លោក Mahathir គណបក្ស Bersatu នឹងទទួលបានអាសនៈសភា ៥២ នៅតំបន់ជ្រោយម៉ាឡេស៊ី ខណៈដែលគណបក្ស PKR នឹងទទួលបាន ៥១ អាសនៈ គណបក្ស Democratic Action Party (DAP) នឹងទទួលបាន ៣៥ ហើយគណបក្ស Amanah នឹងទទួលបាន ២៧។
ដោយសារភាពស្មុគស្មាញនៃការបោះឆ្នោតរបស់ម៉ាឡេស៊ី និងការភ័យខ្លាចរបស់ពួកម៉ាឡេដែលថា ចិននឹងគ្រប់គ្រងប្រទេស ប្រសិនបើ Umno ត្រូវបានដកចេញពីអំណាចនោះ ការបែងចែកអាសនៈនេះ គឺជារឿងសមស្រប ដើម្បីរារាំងការភ័យខ្លាចទាំងនេះ។
យុទ្ធនាការឃោសនាបោះឆ្នោតរបស់គណបក្ស BN និងគណបក្ស Umno បាននិងកំពុងរៀបចំចំនួនអាសនៈ ដែលគណបក្ស DAP នឹងឈ្នះ ហើយតើកត្តានេះ នឹងប៉ះពាល់ដល់អំណាចរបស់ប្រជាជនម៉ាឡេស៊ីយ៉ាងណា នៅក្នុងប្រទេស និងនៅក្នុងសភា៕
ប្រភព៖ The Independent ចុះថ្ងៃទី០៦ ខែកុម្ភៈ ឆ្នាំ២០១៨
No comments:
Post a Comment