ការប៉ះទង្គិចរវាងនយោបាយអាមេរិកនៅអាហ្គានីស្ថានជាមួយនឹងផលប៉ះពាល់របស់ខ្លួនទៅលើទំនាក់ទំនងទូទាំងអាស៊ីប៉ែកនិរតី គឺទាក់ទងទៅនឹងការប្រកួតប្រជែងជិតមកដល់នៅរុស្ស៊ី និង ចិន។ នេះមានន័យថា ឋានៈជាមេបញ្ជាការប្រយុទ្ធនៅក្នុងមហោស្រពសង្រ្គាមមួយដែលត្រូវតែធ្វើបន្ថែមទៀតដោយគ្មានបង្អង់ដៃ។
ការផ្លាស់ប្តូរនៅក្នុងគោលនយោបាយ រាប់ចាប់តាំងពីការប្រឆាំងភេរវកម្ម និងការប្រឆាំងការងើបបះបោរចំពោះការប្រកួតប្រជែងរបស់ប្រទេសមហាអំណាច បានធ្វើឲ្យកម្លាំងទប់ទល់របស់អាមេរិកថមថយ។ ជាមួយនឹងបញ្ហាឆ្លងដែនជាច្រើនដែលលេចឡើងដំណាលគ្នា អាមេរិកមិនស្ថិតនៅក្នុងតួនាទីដើម្បីដោះស្រាយនូវបញ្ហាភូមិសាស្រ្តដែលមានភាពស្មុគស្មាញ ដែលអាចធ្វើឲ្យភាពងាយស្រួលនេះកាន់តែឡើងច្រើនដង។ ការដែលមិនមានដំណោះស្រាយដោយងាយស្រួលនៅក្រៅប្រទេស របបអាមេរិកត្រូវការរៀបចំខ្លួនដើម្បីទប់ទល់ទៅនឹងភាពប្រឈមមុខងារស្ថាប័នក្នុងប្រទេស ក៏ដូចជានយោបាយ ដែលស្ថានភាពនេះ អតីតប្រធានាធិបតីអាមេរិក Harry Truman ហើយនិងរដ្ឋមន្រ្តីការបរទេសរបស់គាត់លោក Dean Acheson បានប្រឈមក្រោយពីសង្រ្គាមលោកលើកទីពីរចប់ទៅ។
រដ្ឋមន្រ្តីការពារជាតិអាមេរិកលោក James Mattis បានទទូចសុំទៅក្រសួងការពារជាតិថា មន្ទីរបញ្ចកោណ និងអគ្គបញ្ជាការឲ្យពិនិត្យនូវការកែសម្រួលឡើងវិញនូវមូលដ្ឋាឧស្សាហកម្មយោធាអាមេរិក ដើម្បីជៀសវាងពីសង្រ្គាមរយៈពេលយូរចំពោះភាពប្រកួតប្រជែងរបស់មហាអំណាច។ ការផ្លាស់ប្តូរនេះមានភាពប្រឈមធំៗចំនួនបី។
ទីមួយ ជម្លោះដែលមានការចូលរួមដែលអាមេរិកប្រយុទ្ធទៅនឹងសមរភូមិជួរមុខពីរគឺចិន និងរុស្ស៊ី ដែលនេះគឺជាភាពប្រឈមដ៏ចម្បងចំពោះសណ្តាប់ធ្នាប់ជាអន្តរជាតិ។
ទីពីរ ជម្លោះមហាអំណាចគឺនៅខាងក្រៅឆាកនៃបទពិសោធន៍នាពេលបច្ចុប្បន្ននេះដែលទាក់ទងទៅនឹងមន្រ្តីស៊ីវិល និងមេដឹកនាំនយោបាយយោធាកំពូលៗនៅអាមេរិក។
ទីបី កងកម្លាំងប្រដាប់អាវុធដែលអាមេរិក និងសម្ព័ន្ធមិត្តរបស់ខ្លួនទាំងឡាយ ឥឡូវនេះមានការវិវត្តខុសប្លែកគ្នាច្រើនណាស់ មានន័យថា ពួកគេមិនអាចឈានទៅបំពេញតម្រូវការនៃជម្លោះមហាអំណាចបានឡើយ។
ចំពោះសង្រ្គាមដែលមានតម្លៃខ្ពស់ និងរយៈពេលវែងនោះវិញ អ្នករៀបចំផែនការកម្លាំង អាមេរិក រំពឹងទុកថា សង្រ្គាមមហាអំណាចជាមួយចិន និងរុស្ស៊ីគឺជាសង្រ្គាមដែលមានតម្លៃខ្ពស់ និងរយៈពេលវែង។ ខណៈដែលអាមេរិកកំពុងចាត់វិធានការប្រឆាំងភេរវកម្មនៅអាស៊ីអាគ្នេយ៍ ក៏ប៉ុន្តែចិន និងរុស្ស៊ីកំពុងតែអភិវឌ្ឍន៍ប្រព័ន្ធបែបការវាយប្រហារ មីស៊ីលនុយក្លេអ៊ែរចល័តដែលមានកម្រិតខ្ពស់ និងប្រព័ន្ធការពារក្នុងតំបន់ដែលមានបច្ចេកវិទ្យាទំនើប។ ចំពោះកម្លាំងអាមេរិកវិញមិនបានរៀបចំខ្លួនដើម្បីទប់ទល់ទៅនឹងវិធានការទាំងនេះទេ។ ដើម្បីចាប់ផ្តើមកំណែទម្រង់មុខងារស្ថាប័នផ្នែកវិស័យការពារជាតិ អាមេរិកត្រូវការធ្វើកិច្ចការច្រើនបន្ថែមទៀត ច្រើនជាងទ្រឹស្តីនិយាយអំពីគំនិតស្តីពីការទប់ស្កាត់ជម្លោះ។ ដើម្បីទទួលបានអត្ថប្រយោជន៍ពីការប្រឆាំង រុស្ស៊ី និងចិន អាមេរិកត្រូវតែមានសមត្ថភាព ដើម្បីញែកឲ្យឃើញអំពីអត្ថប្រយោជន៍នេះ៖ រួមមានកំណែទម្រង់ប្រដាប់អាវុធស៊ីជម្រៅ និងមានភាពធន់ ការទទួលយកការខាតបង់ ខណៈដែលខ្លួនកំពុងតែងើបឡើងវិញ។ អាមេរិកមិនអាចសង្ឃឹមបានថា ដើម្បីសម្រេចកិច្ចការនេះជាមួយនឹងមូលដ្ឋានឧស្សាហកម្មការពារជាតិដែលខ្លួនមានសព្វថ្ងៃនេះបានទេ៕
ប្រភព៖ Asia Times ចុះថ្ងៃទី០៦ ខែកុម្ភៈ ឆ្នាំ២០១៨
No comments:
Post a Comment