ក្រសួង​ពាណិជ្ជ​កម្ម ឆ្លើយ​តប​ចំពោះ​ការ​រិះគន់​លើ​បញ្ហា​ទំនិញ​កសិផល​កម្ពុជាគ្មាន​ទីផ្សារ​ឬលក់​បាន​ក្នុង​តម្លៃ​ថោក

ក្រសួងពាណិជ្ជកម្ម នៅថ្ងៃទី០៥ ខែកក្កដា ឆ្នាំ២០១៧នេះ បានធ្វើការឆ្លើយតប ទៅនឹងការរិះគន់របស់ប្រជាពលរដ្ឋតាមបណ្តាញសង្គមស្តីពីការធ្លាក់ថ្លៃទំនិញកសិផល ដែលកសិករកម្ពុជា ផលិតបាន។

នៅក្នុងសេចក្តីជូនដំណឹងរបស់ក្រសួងពាណិជ្ជកម្មដដែលនេះ បានបញ្ជាក់ថា ក្រសួង បាននិងកំពុងបំពេញការងារជាច្រើនទទួលបានលទ្ធផលជាវិជ្ជមានតាមរយៈ៖ ១-ចរចាបើកទីផ្សារ ២-ជំរុញសកម្មភាពទីផ្សារទាំងក្នុង និងក្រៅប្រទេស ៣-ចាត់វិធានការសម្រាប់ដោះស្រាយបញ្ហារាំងស្ទះទំនិញកសិផល និង ៤- កិច្ចសម្រួលពាណិជ្ជកម្មសម្រាប់សម្រួលដល់ការនាំចេញទំនិញកសិកម្ម ជាដើម។