កូនឈើសរុបជាង ៣០០ ដើម ត្រូវបានដាំក្នុងបរិវេណសាលាបឋមសិក្សាភ្នំពេញថ្មី

នៅថ្ងៃទី០៥ ខែកក្កដា ឆ្នាំ២០១៧នេះ មន្ទីរបរិស្ថាន រាជធានីភ្នំពេញ បានសហការជាមួយមន្ទីរអប់រំ យុវជន និងកីឡា រាជធានីភ្នំពេញ រៀបចំការដាំកូនឈើប្រណិតរួមមាន៖ កូនឈើក្រញូង បេង នាងនួន ឈើទាល គរគី សរុបជាង ៣០០ ដើម នៅបរិវេណសាលាបឋមសិក្សាភ្នំពេញថ្មី ស្ថិតក្នុងខណ្ឌសែនសុខ រាជធានីភ្នំពេញ។

ពិធីដាំកូនឈើនេះ គឺដើម្បីប្រែក្លាយសាលាមួយនេះ ទៅជាសាលាមេត្រីភាពបរិស្ថាន និងបំផុសសិស្សានុសិស្សឱ្យស្រឡាញ់ការដាំដុះ ក្នុងន័យជំរុញការផ្សារភ្ជាប់រវាងមនុស្សនិងធម្មជាតិ៕