សមយុទ្ធដែលនឹងកើតឡើងជាពីរតំណាក់កាលនៅក្នុងរដូវក្តៅនេះ គឺបានរួមចំណែកដល់ការសម្រេចចិត្តរបស់អង្គការ NATO ដើម្បីជំរុញឱ្យមានការដាក់ពង្រាយកងទ័ពរបស់ពួកគេនៅអឺរ៉ុបភាគខាងកើតក្នុងរយៈពេលប៉ុន្មានខែថ្មីៗនេះ។ លោក Denisov បាននិយាយកាលពីថ្ងៃសុក្រតាមប្រព័ន្ធផ្សព្វផ្សាយព័ត៌មានដែលគ្រប់គ្រងដោយវិមានក្រឹមឡាំងថា «អ្នកដែលងប់នឹងការភ័យខ្លាច គឺងប់នឹងការភ័យខ្លាចតែម្តង។ រឿងដែលសំខាន់នោះគឺថា បទបញ្ញត្តិដែលទាក់ទងទៅនឹងព្រឹត្តិការណ៍ទាំងនេះគួរត្រូវបានគេគោរព»។
បើយោងតាមមន្រ្តីអឺរ៉ុបភាគខាងកើតបានឱ្យដឹងថា រុស្ស៊ីមានប្រវត្តិរំលោភបទបញ្ញត្តិមួយចំនួនដែលគ្រប់គ្រងការធ្វើសមយុទ្ធយោធា។ អគ្គលេខាធិការអង្គការ NATO លោក Jens Stoltenberg បាននិយាយកាលពីថ្ងៃព្រហស្បតិ៍ថា «គ្រប់ជាតិសាសន៍ទាំងអស់មានសិទ្ធិធ្វើសមយុទ្ធកងកម្លាំងរបស់ខ្លួន ប៉ុន្តែរឿងដែលសំខាន់នោះគឺថា ការធ្វើសមយុទ្ធនេះត្រូវបានធ្វើឡើងតាមមធ្យោបាយមួយដែលអាចព្យាករណ៍បាន និងមានតម្លាភាព។ យើងរំពឹងថា រុស្ស៊ីនឹងអនុវត្តន៍តាមកាតព្វកិច្ចទាំងនោះ ពួកគេមិនទាន់បានធ្វើរឿងនោះនៅឡើយទេ រហូតមកដល់ពេលនេះ ប៉ុន្តែយើងរំពឹងថា ពួកគេនឹងប្រកាន់ខ្ជាប់កាតព្វកិច្ចអន្តរជាតិ ដែលទាក់ទងទៅនឹងតម្លាភាព និងការត្រួតពិនិត្យជាលក្ខណៈអន្តរជាតិនៃការធ្វើសមយុទ្ធ Zapad។ អង្គការ NATO មានតម្លាភាព នៅពេលដែលខ្លួននិយាយដល់ការធ្វើសមយុទ្ធរបស់យើង។ យើងមិនបានឆ្លុះបញ្ចាំងឱ្យបានជាក់លាក់នូវអ្វីដែលរុស្ស៊ីកំពុងតែធ្វើនោះទេ ក៏ប៉ុន្តែយើងកំពុងតែឆ្លើយតបទៅនឹងភាពក្រអឺតក្រទមរបស់រុស្ស៊ី»។
បើយោងតាមអ្នកជំនាញផ្នែកសន្តិសុខជាតិដែលបានសរសេរនៅក្នុងទស្សនាវដ្តី The National Interest បានឱ្យដឹងថា ល្បែងសង្រ្គាមរបស់រុស្ស៊ីកាលពីឆ្នាំ២០១៣ គួរឱ្យកត់សម្គាល់យ៉ាងខ្លាំង ដោយសារតែទិដ្ឋភាពយុទ្ធវិធីជាច្រើនបានផ្តល់ឱ្យពួកគេនូវការអន្តរាគមន៍ជាយថាហេតុណាមួយរបស់រុស្ស៊ី ទាំងនៅតំបន់ Crimea និងប្រទេសស៊ីរី។ ទោះបីជាយ៉ាងណាក៏ដោយ ទំនាក់ទំនងសហរដ្ឋអាមេរិក និងរុស្ស៊ីមានភាពរង្គោះរង្គើក្នុងរយៈពេលប៉ុន្មានឆ្នាំថ្មីៗនេះ។ រដ្ឋការរបស់លោក Obama បានរិះគន់ប្រធានាធិបតីរុស្ស៊ី លោក Vladimir Putin ចំពោះការបោះឆ្នោតពុករលួយ ខណៈដែលសមាជិកសភាសហរដ្ឋអាមេរិកដែលមានមុខមាត់បានចោទប្រកាន់លោក Putin ថា បានសម្លាប់អ្នករិះគន់ក្នុងប្រទេសរបស់គាត់។ ហើយតំបន់ជាប់របស់រុស្ស៊ីនៅ Crimea និងការឈ្លានពាននៅក្នុងប្រទេសអ៊ុយក្រែនភាគខាងកើត គឺបានបង្កឱ្យមានការដាក់ទណ្ឌកម្មសេដ្ឋកិច្ច ដែលក្រុមការងាររបស់ប្រធានាធិបតី Trump បានសន្យាថានឹងនៅតែដាក់ឱ្យអនុវត្តន៍រហូតដល់រុស្ស៊ីដកចេញ៕
(ប្រភព: Business Insider ចុះថ្ងៃទី០៤ ខែកក្កដា ឆ្នាំ២០១៧)
No comments:
Post a Comment