ស.ស.យ.ក ខេត្តកំពង់ឆ្នាំង នាំយកអំណោយ​ចែកជូន​គ្រួសារចាស់​ជរាគ្មានទីពឹង​ និងគ្រួសារក្រីក្រ​ ចំនួន​៣គ្រួសារ​ ក្នុងឃុំពន្លៃ​

បន្ទាប់ពីបានបោះឆ្នោតរៀបចំរចនាសម្ព័ន្ធសមាជិក សមាជិកា គណៈកម្មាធិការសហភាពសហព័ន្ធយុវជនកម្ពុជា(ស.ស.យ.ក) ស្រុកបរិបូណ៌ នៅថ្ងៃទី១៣ ខែសីហា ឆ្នាំ២០១៧ លោក លៀង ជុំសុបិន្ត អនុប្រធានសហភាពសហព័ន្ធយុវជនកម្ពជា ខេត្ត តំណាងលោក ហេង ពិទូ ប្រធាន ស.ស.យ.ក ខេត្តកំពង់ឆ្នាំង លោក ឃួន សៅរុំ អភិបាលនៃគណៈអភិបាលស្រុកបរិបូណ៌ និងលោក ផល សុភាព ប្រធាន ស.ស.យ.ក ស្រុកបរិបូណ៌ បានដឹកនាំសមាជិក សមាជិកា ស.ស.យ.ក ស្រុក និងឃុំ បាននាំយកនូវអំណោយចែកជូនគ្រួសារដែលក្រីក្រខ្វះខាតចំនួនបីគ្រួសាររួមមាន៖ ១- ឈ្មោះ លឹម អឿន ភេទស្រី អាយុ៦៥ឆ្នាំ ចាស់ជរាគ្មានទីពឹង រស់នៅជាមួយអ្នកជិតខាង នៅភូមិជើងខ្នារ ឃុំពន្លៃ។ ២- ឈ្មោះ គឹម ភូ អាយុ ៧៥ឆ្នាំ ចាស់ជរាគ្មានទីពឹង រស់នៅភូមិ ស្វាយគយ ឃុំពន្លៃ។ និង ៣- ឈ្មោះ ម៉ុន ចាន់សុខ ភេទស្រី អាយុ៣២ឆ្នាំ មានជីវភាពក្រីក្រ មានកូន៤នាក់ក្នុងបន្ទុក រស់នៅភូមិកែវឡាត ឃុំពន្លៃ ស្រុកបរិបូណ៌ ខេត្តកំពង់ឆ្នាំង៕