នៅថ្ងៃទី១០ ខែសីហា ឆ្នាំ២០១៧ ស្ថានឯកអគ្គរាជទូតកម្ពុជាប្រចាំប្រទេសម៉ាឡេស៊ី បានអន្តរាគមន៍ជួយរៀបចំមាតុភូមិនិវត្តន៍របស់ពលការិនីខ្មែរឈ្មោះ តាំ ស៊ីម៉ាស អាយុ៤០ឆ្នាំ ដែលបានធ្វើដំណើរដោយខុសច្បាប់តាមរយៈមេខ្យល់ទៅធ្វើការក្នុងហាងលក់ទំនិញនៅម៉ាឡេស៊ីកាលពីថ្ងៃទី០១ ខែវិច្ឆិកា ឆ្នាំ២០១៥។ ពលការនីរូបនេះ បានមកដល់អាកាសយានដ្ឋានអន្តរជាតិភ្នំពេញនៅថ្ងៃទី០៩ ខែសីហា ឆ្នាំ២០១៧។
ស្ថានឯកអគ្គរាជទូតកម្ពុជាប្រចាំប្រទេសម៉ាឡេស៊ី ក៏បានអន្តរាគមន៍ជួយរៀបចំមាតុភូមិនិវត្តន៍របស់ពលករ-ពលការិនីខ្មែរចំនួន១២នាក់ផងដែរ និងបានត្រឡប់មកដល់កម្ពុជាវិញដោយសុវត្ថិភាពកាលពីថ្ងៃទី០៣ ខែសីហា ឆ្នាំ២០១៧៕
No comments:
Post a Comment