លោកនាយករដ្ឋមន្រ្តី ហ៊ុន សែន លើកឡើងថា ដើម្បីមោទនភាពជាតិរបស់យើង ត្រូវប្រកាន់ខ្ជាប់ពាក្យស្មើភាព ស្មើសិទ្ធិ

លោកនាយករដ្ឋមន្រ្តី ហ៊ុន សែន នៅព្រឹកថ្ងៃទី១១ ខែសីហា ឆ្នាំ២០១៧ ក្នុងឱកាសអញ្ជើញជាអធិ​បតីក្នុងពិធីប្រកាសចូលកាន់តំណែងជាប្រធានរាជបណ្ឌិត្យសភាកម្ពុជា របស់លោកបណ្ឌិត សុខ ទូច ដែលប្រារព្ធធ្វើឡើងនៅវិមានសន្តិភាព រាជធានីភ្នំពេញ បានបញ្ជាក់ថាដើម្បីមោទនភាពជាតិរបស់យើង ត្រូវប្រកាន់ខ្ជាប់ពាក្យស្មើភាព ស្មើសិទ្ធិ។

លោកនាយករដ្ឋមន្រ្តី ហ៊ុន សែន បានបញ្ជាក់ថា មិនមែនបានសេចក្តីថា ប្រទេសគេអ្នកមាន ប្រទេសគេធំ ខួរក្បាលរបស់គេសុទ្ធតែពូកែទាំងអស់នោះទេ។ លោក ក៏បានសម្តែងការជឿជាក់ថា កម្លាំងយុវជនដែលបានចូលរួមក្នុងការដឹកនាំរាជបណ្ឌិត្យសភានេះ នឹងបន្តការងាររបស់ខ្លួន ​ហើយនឹងធ្វើការកែទម្រង់ឱ្យបានល្អ៕