សាលាខេត្តកំពង់ឆ្នាំងរៀបចំសិក្ខាសាលាផ្សព្វផ្សាយកម្មវិធីវិនិយោគបីឆ្នាំរំកិល

នាព្រឹកថ្ងៃសុក្រ ០៤រោច ខែបុស្ស ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី៥ ខែមករា ឆ្នាំ២០១៨នេះ នៅសាលាខេត្តកំពង់ឆ្នាំងបានរៀបចំសិក្ខាសាលាផ្សព្វផ្សាយកម្មវិធីវិនិយោគបីឆ្នាំរំកិល (២០១៨-២០២០) និងការតាមដានត្រួតពិនិត្យការអនុវត្តគម្រោងវិនិយោគសម្រាប់រៀបចំរបាយការណ៍វឌ្ឍនភាពការអនុវត្តកម្មវិធីវិនិយោគបីឆ្នាំរំកិល (២០១៧-២០១៩) ក្រោមអធិបតីភាពលោក ស៊ុន សុវណ្ណារិទ្ធ អភិបាលរងខេត្តកំពង់ឆ្នាំង លោកស្រី តុង ណារី សមាជិកាក្រុមប្រឹក្សាខេត្ត លោក អម សុភា នាយករដ្ឋបាលសាលាខេត្ដ និងមានការអញ្ជើញចូលរួមពីលោក លោកស្រីប្រធាន អនុប្រធានមន្ទីរ ជុំវិញខេត្ត អភិបាល អភិបាលរង នាយរដ្ឋបាល ក្រុង ស្រុក អង្គការ សមាគ​ម និង​ស្ថាប័ននានា​ចូលរួមនាឱកាសនោះផងដែរ៕