ស្វាយរៀង៖ នាព្រឹកថ្ងៃសុក្រ ៤រោច ខែបុស្ស ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី៥ ខែមករា ឆ្នាំ២០១៨នេះ លោក ម៉ែន វិបុល អភិបាលខេត្តស្វាយរៀង អមដំណើរដោយអភិបាលរងខេត្ត លោកនាយក នាយករងរដ្ឋបាលសាលាខេត្ត លោកអនុប្រធានមន្ទីរអប់រំ យុវជន និងកីឡាខេត្ត លោកនាយករងវិទ្យាល័យស្វាយរៀង និងមន្ត្រីពាក់ព័ន្ធមួយចំនួន បានអញ្ជើញចុះពិនិត្យទីតាំងតារាងបាល់ ស្ថិតក្នុងបរិវេណវិទ្យាល័យស្វាយរៀង ដែលជាទីតាំងគ្រោងនឹងប្រើប្រាស់សម្រាប់ត្រៀមរៀបចំ ប្រារព្ធព្រះរាជពិធីច្រត់ព្រះនង្គ័លនាដើម ខែឧសភា ឆ្នាំ២០១៨ខាងមុខ។
ព្រះរាជពិធីច្រត់ព្រះនង្គ័លនេះនឹងត្រូវប្រព្រឹត្តទៅ ក្រោមព្រះរាជាធិបតីភាពដ៏ខ្ពង់ខ្ពស់បំផុត របស់ព្រះករុណាព្រះបាទសម្តេចព្រះបរមនាថនរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា។
No comments:
Post a Comment