ប្រធានការិយាល័យនយោបាយបរទេសរបស់សហភាពអឺរ៉ុបបាននិយាយកាលពីថ្ងៃពុធ ថា សហភាពអឺរ៉ុបនឹងនៅតែរស់បាន ហើយបន្តភាពរឹងមាំរបស់ខ្លួន បើទោះបីជាមានការចាកចេញរបស់ចក្រភពអង់គ្លេសក៏ដោយ។
លោកស្រី Federica Mogherini បានមានប្រសាសន៍អំឡុងពេលទស្សនកិច្ចរបស់គាត់រយៈពេលពីរថ្ងៃទៅកាន់ប្រទេសគុយបា ថា «មានមនុស្សជាច្រើនជឿថា ការធ្វើប្រជាមតិនៅចក្រភពអង់គ្លេស (ស្តីពីការចាកចេញពីសហភាពអឺរ៉ុប) នោះ នឹងក្លាយទៅជាការចាប់ផ្តើមនៃទីចុងបញ្ចប់របស់សហភាពអឺរ៉ុប»។
លោកស្រីមានប្រសាសន៍ថា «ខ្ញុំមានទស្សនៈវិជ្ជមានច្រើនណាស់ ទៅលើការពិតថា សហភាពអឺរ៉ុបមិនត្រឹមតែបន្តរស់បានប៉ុណ្ណោះទេ ប៉ុន្តែថែមទាំរឹងមាំទៀតផង»។
លោកស្រីបានមានប្រសាសន៍ថា «ពិភពលោកត្រូវការសហភាពនៅរឹងមាំ ហើយវានៅរឹងមាំអញ្ចឹងមែន ហើយនេះគឺជាអ្វីដែលយើងនឹងធ្វើ»។
ការពីខែមិថុនា ឆ្នាំ២០១៦ មានការបោះឆ្នោតនៅអង់គ្លេស ៥២ ទល់នឹង ៤៨ ភាគរយ ដែលគាំទ្រការចាកចេញរបស់អង់គ្លេសពីសហភាពអឺរ៉ុប ធ្វើឱ្យពួកគេក្លាយទៅជាប្រទេសទីមួយ ដែលចាកចេញពីប្លុកនេះ។
អង់គ្លេសបានចាប់ផ្តើមនូវអ្វីដែលគេរំពឹងទុកថា នឹងមានការចរចាដ៏លំបាករយៈពេលពីរឆ្នាំ នៅក្នុងនីតិវិធីជាផ្លូវការមួយ តាមរយៈការជូនដំណឹងឱ្យដឹងដល់ប្រធានសហភាពអឺរ៉ុបកាលពីខែមិថុនា ឆ្នាំ២០១៧ អំពីការចាកចេញពីប្លុកនេះ។
ការចរចារវាងរដ្ឋាភិបាលអង់គ្លេស និងសហភាពអឺរ៉ុបកំពុងតែដំណើរការទៅមុខ ទាក់ទងទៅនឹងផ្នែកពាណិជ្ជកម្ម និងសន្តិសុខ នៅពេលដែលអង់គ្លេសរៀបចំខ្លួនចាកចេញពីអឺរ៉ុបនៅខែមិថុនា ឆ្នាំ២០១៩៕
ប្រភព : AFP ចុះថ្ងៃទី០៥ ខែមករា ឆ្នាំ២០១៨
No comments:
Post a Comment