សៀមរាប៖ លោក ពៅ ប៊ុនធឿន អភិបាលនៃគណៈអភិបាលស្រុកជីក្រែង កាលពីព្រឹកថ្ងៃព្រហស្បតិ៍ ៣រោច ខែបុស្ស ឆ្នាំរកា ព.ស ២៥៦១ ត្រូវនិងថ្ងៃទី០៤ ខែមករា ឆ្នាំ២០១៨ បានអញ្ជើញជាអធិបតីបើកការដ្ឋានគម្រោងជួសជុលផ្លូវដីសក្រាលគ្រួសធម្មជាតិ ដែលមានប្រវែង ១៧៦០ម៉ែត្រ នៅការដ្ឋានសាងសង់ផ្លូវនៅចំណុចកែងនរា ឃុំស្ពានត្នោត ស្រុកជីក្រែង ខេត្តសៀមរាប។
ផ្លូវមួយខ្សែនេះ ស្ថិតក្នុងភូមិថ្នល់លោក ឃុំស្ពានត្នោត ស្រុកជីក្រែង ខេត្តសៀមរាប ហើយផ្លូវនេះនៅក្រោមក្របខណ្ឌគម្រោងកាត់បន្ថយហានិភ័យគ្រោះមហន្តរាយនៅមូលដ្ឋានសហគមន៍ គ្រោងឃុំស្ពានត្នោត ដែលមានអ្នកចូលរួម ៨៦នាក់ ស្រី១៦នាក់។
ផ្លូវនេះដែរ គឺបានជួយសម្រួលដល់ការធ្វើដំណើរ ក៏ដូចជាការដឹកជញ្ជូនកសិផល និងទំនិញផ្សេងៗតាមកតម្រូវការរបស់ប្រជាពលរដ្ឋ។ ជាមួយគ្នានេះដែរ អាជ្ញាធរស្រុកក៏សូមអំពាវនាវដល់ក្រុមហ៊ុនដែលបានចូលដឹកទំនិញលើផ្លូវនេះ កុំអោយលើសទម្ងន់ ជៀសវាងមានការខូចខាត នាំអោយពិបាកដល់ការធ្វើដំណើររបស់បងប្អូនប្រជាពលរដ្ឋ៕
No comments:
Post a Comment