នៅថ្ងៃទី២៧ ខែមីនា ឆ្នាំ២០១៧នេះ លោក កែវ រ៉េមី រដ្ឋលេខាធិការទីស្តីការគណៈរដ្ឋមន្រ្តី និងជាប្រធានគណៈ កម្មាធិការសិទ្ធិមនុស្សកម្ពុជា បានថ្លែងថា សន្តិភាព ប្រជាធិបតេយ្យ និងសិទ្ធិមនុស្ស គឺមានទំនាក់ទំនងគ្នាទៅវិញទៅមកមិនអាចខ្វះបានឡើយ។ លោក បានថ្លែងដូចនេះនៅក្នុងសន្និសីទសារព័ត៌មាននៅព្រឹកមិញនេះ នៅទីស្នាក់គណៈកម្មាធិការសិទ្ធិមនុស្សកម្ពុជា។
ប្រធានគណៈកម្មាធិការសិទ្ធិមនុស្សកម្ពុជា លោក កែវ រ៉េមី បានថ្លែងដូចនេះ បន្ទាប់ពីមានការចេញរបាយការណ៍របស់សមាជិកសភាអាស៊ានដើម្បីសិទ្ធិមនុស្ស (APHR) ស្តីពី «លទ្ធិប្រជាធិបតេយ្យ និងសិទ្ធិមនុស្សនៅកម្ពុជា» កាលពីថ្ងៃទី២០ ខែមីនា ឆ្នាំ២០១៧។ នៅថ្ងៃទី២២ ខែមីនា ឆ្នាំ២០១៧ ក្រសួងការបរទេស និងសហប្រតិបត្តិការណ៍ បានចេញសេចក្តីថ្លែងការណ៍ច្រានចោលរបាយការណ៍នោះផងដែរ ដោយបានលើកឡើងថា គឺជាការវាយតម្លៃដែលពុំអាចជឿបានឡើយ ដែលគ្រាន់តែឆ្លុះបញ្ចាំងពីទស្សនៈខ្មៅងងឹតរបស់បុគ្គលមួយចំនួនតូច ដែលប្រាសចាកពីការពិតជាក់ស្តែងក្នុងសង្គមខ្មែរបច្ចុប្បន្ន។ ក្រសួងការបរទេស ក៏បានបញ្ជាក់ថា របាយការណ៍នោះ គឺបានធ្វើខុសពីគោលការណ៍របស់អាស៊ានស្តីពី «ការមិនជ្រៀតជ្រែកចូលកិច្ចការផ្ទៃក្នុងរបស់រដ្ឋសមាជិកអាស៊ាន» ដូចមានចែងនៅក្នុងមាត្រា២នៃធម្មនុញ្ញអាស៊ាន។
លោក កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា បានលើកឡើងថា ពាក់ព័ន្ធនឹងបញ្ហា សន្តិភាព ប្រជាធិបតេយ្យ និងសិទ្ធិមនុស្ស គឺមានទំនាក់ទំនងគ្នាទៅវិញទៅមកមិនអាចខ្វះបានឡើយ ហើយកម្ពុជា ពិតជាបាន និងកំពុងអនុវន៍ត្តយ៉ាងល្អប្រសើរកន្លងមកសំដៅធានាបាននូវសុខសន្តិភាព ស្ថិរភាពនយោបាយ ដែលជាមូលដ្ឋានគ្រឹះក្នុងការគោរពសិទ្ធិមនុស្សដូចជា៖
១-កម្មវិធីសមធម៌របស់ UNDP នៅក្នុងយុទ្ធនាការឃោសនាបោះឆ្នោត៖ បក្សនយោបាយគ្រប់និន្នាការ មានសិទ្ធិបញ្ចេញមតិ និងគោលនយោបាយរបស់ខ្លួនជូនប្រជាពលរដ្ឋម្ចាស់ឆ្នោតដោយស្មើភាពគ្នាដែលបក្សនីមួយៗមានឱកាសបញ្ចេញសំឡេងរបស់ខ្លួន។
២-កម្មវិធីពិភាក្សាដេញដោលពាក់ព័ន្ធនឹងគោលនយោបាយរបស់បក្សនានាដែលរៀបចំដោយអង្គការ NDI និង IRI៖ បើកឱកាសឱ្យមានការពិភាក្សាដេញដោលពីគោលនយោបាយបក្សនីមួយៗ ដោយបើកផ្លូវឱ្យយុវជនទូទៅមានការចូលរួម។
៣- កម្មវិធីរបស់គណៈកម្មាធិការជាតិរៀបចំការបោះឆ្នោត ដោយអនុញ្ញាតឱ្យមានកម្មវិធីតុមូល បញ្ចេញគំនិតពីគ្រប់បក្សនយោបាយ៖ បើកឱកាសឱ្យភាគីគ្រប់គណបក្សនយោបាយ ផ្សព្វផ្សាយនូវយុទ្ធសាស្រ្ត និងកម្មវិធីនយោបាយរបស់ខ្លួនទៅដល់ម្ចាស់ឆ្នោត។
៤- កម្ពុជា អនុញ្ញាតឱ្យមានសារព័ត៌មានបរទេស៖ បើកឱកាសឱ្យសារព័ត៌មានបរទេស ដូចជា RFA, VOA, RFI, Phnom Penh Post, The Cambodian Daily ជាដើម មានសិទ្ធិពេញលេញ សេរីភាពពេញទីក្នុងការផ្សព្វផ្សាយ។
៥- ការចូលរួមរបស់អង្គការក្រៅរដ្ឋាភិបាល និងសង្គមស៊ីវិល៖ កម្ពុជា បើកឱកាសទូលំទូលាយ ឱ្យអង្គការសង្គមស៊ីវិលធ្វើសកម្មភាពរបស់ខ្លួននៅក្នុងប្រទេសកម្ពុជាដោយសេរី ហើយ អង្គការសង្គមស៊ីវិលទាំងនោះ ចូលរួមដឹកនាំធ្វើបាតុកម្ម ធ្វើនយោបាយ ដែលពេលខ្លះបានធ្វើជ្រុលហួសពីគោលការណ៍ និងច្បាប់ស្តីពីសហជីពទៅទៀត។
លោក កែវ រ៉េមី ក៏បានបញ្ជាក់ថា រាជរដ្ឋាភិបាលដឹកនាំដោយ គណបក្សប្រជាជនកម្ពុជា បានខិតខំគ្រប់បែបយ៉ាងដើម្បីការពារថែរក្សាសន្តិភាព និងលើកស្ទួយការគោរពសិទ្ធិមនុស្ស និងប្រជាធិបតេយ្យ។ លោក បានបន្ថែមថា នៅក្នុងប្រទេសមួយចំនួន ប្រសិនបើមានអ្នកណាទិតៀនស្ថាប័នតុលាការ នឹងត្រូវជាប់ទោសជាមិនខាន បើយើងក្រឡេកមើលកម្ពុជាវិញ ឃើញអស់ហើយអ្នកដែលអះអាងថាជាអ្នកការពារសិទ្ធិមនុស្ស ជេរប្រមាថពេញៗមាត់ ធ្វើបាតុកម្ម ក្នុងគោលបំណងដាក់សម្ពាធដល់ស្ថាប័ន តុលាការ ដែលអាចនឹងនាំដល់ការវឹកវរចលាចលក្នុងសង្គមផងដែរ៕
លោក កែវ រ៉េមី ក៏បានបញ្ជាក់ថា រាជរដ្ឋាភិបាលដឹកនាំដោយ គណបក្សប្រជាជនកម្ពុជា បានខិតខំគ្រប់បែបយ៉ាងដើម្បីការពារថែរក្សាសន្តិភាព និងលើកស្ទួយការគោរពសិទ្ធិមនុស្ស និងប្រជាធិបតេយ្យ។ លោក បានបន្ថែមថា នៅក្នុងប្រទេសមួយចំនួន ប្រសិនបើមានអ្នកណាទិតៀនស្ថាប័នតុលាការ នឹងត្រូវជាប់ទោសជាមិនខាន បើយើងក្រឡេកមើលកម្ពុជាវិញ ឃើញអស់ហើយអ្នកដែលអះអាងថាជាអ្នកការពារសិទ្ធិមនុស្ស ជេរប្រមាថពេញៗមាត់ ធ្វើបាតុកម្ម ក្នុងគោលបំណងដាក់សម្ពាធដល់ស្ថាប័ន តុលាការ ដែលអាចនឹងនាំដល់ការវឹកវរចលាចលក្នុងសង្គមផងដែរ៕
No comments:
Post a Comment