របាយការណ៍: ​កូរ៉េខាងជើង​សម្លាប់មន្ត្រី​ដែលទទួល​បន្ទុកកន្លែង​សាកល្បង​នុយក្លេអ៊ែរ​

តាមការចុះផ្សាយព័ត៌មានរបស់កាសែតជប៉ុន Asahi Shimbun បានរាយការណ៍ថា កូរ៉េខាងជើងបានបដិសេធថា មន្ត្រីដែលទទួលខុសត្រូវចំពោះកន្លែងសាកល្បងសព្វាវុធនុយក្លេអ៊ែរនៅ Punggye-ri ហើយបានសម្លាប់គាត់ដោយលើកឡើងនូវរបាយការណ៍ព័ត៌មានដែលមិនបានបញ្ជាក់ មួយចេញពីប្រភពអ្នករត់ចេញពីកូរ៉េខាងជើង។

ឈ្មោះ Park In Young ជាការប្រកបឈ្មោះប្រហែលជាត្រូវបានផ្លាស់ប្តូរអាស្រ័យទៅលើការបកប្រែ និងការសរសេរ។ ហើយឈ្មោះ Park In Young នេះ គឺជាប្រធានការិយាល័យកូរ៉េខាងជើងលេខ១៣១ ជាផ្នែកមួយរបស់គណៈកម្មការកណ្តាលនៃបក្សកាន់អំណាចដែលទទួលបន្ទុកការត្រួតពិនិត្យមើលទីតាំងយោធា ដូចជានៅ Punggye-ri ជាកន្លែងសាកល្បងសព្វាវុធក្រោមដី ហើយក៏ជាទីកន្លែងដាក់ទីតាំងផ្កាយរណបហៅថា Sohae ផងដែរ។

មូលហេតុនៃការសម្លាប់នេះ មិនទាន់ត្រូវបានគេដឹងច្បាស់នៅឡើយទេ ក៏ប៉ុន្តែរបាយការណ៍របស់កាសែត Asahi បានលើកឡើងនូវហេតុផលចម្បងពីរ។ ហេតុផលទី១ អាចមកពីការពន្យារពេលការអនុវត្តនៃការបាញ់សាកល្បងសព្វាវុធនុយក្លេអ៊ែរ ដ៏មានឥទ្ធិពលបំផុតរបស់កូរ៉េខាងជើងលើកទី៦ ដែលបានកើតឡើងនៅថ្ងៃទី៣ កញ្ញា ប៉ុន្តែផែនការដំបូងនោះ គឺនៅរដូវផ្ការីកឯណោះទេ ប៉ុន្តែត្រូវបានពន្យារពេល ដោយសារតែមានភាពយឺតយ៉ាវនៅក្នុងការសាងសង់រូងក្រោមដី។

ភូគុព្ភវិទូបានព្រមានថា មានរញ្ជួយផែនដីទ្រង់ទ្រាយតូចត្រូវបានគេកត់សម្គាល់នៅក្នុងតំបន់នោះ បន្ទាប់ពីមានការសាកល្បងកាលពីខែកញ្ញា បង្ហាញឱ្យឃើញថា ទីតាំងនោះប្រហែលជាមិនអាចទ្រទ្រង់បានសម្រាប់ការសាកល្បងអាវុធនុយក្លេអ៊ែរថ្មី ដោយសារតែខ្លាចមានហានិភ័យបាក់រលំ និងលេចធ្លាយវិទ្យុសកម្ម។

មន្ត្រីចារកម្មកូរ៉េខាងត្បូងបានប្រាប់សមាជិករដ្ឋសភានៅក្នុងការប្រជុំបិទទ្វាររយៈពេលខ្លីមួយ កាលពីខែវិច្ឆិកា អំពីការសាកល្បងសព្វាវុធថ្មីនេះ ទំនងជាទៅមិនរួចទេ ក៏ប៉ុន្តែបើសិនជាលោក Kim Jung Un មានបំណងធ្វើនោះវាអាចធ្វើទៅបាន ដោយសារតែរូងក្រោមដីមួយនោះ ហាក់ដូចជាត្រូវបានសាងសងរួចរាល់សម្រាប់ការប្រើប្រាស់ទៅហើយ។

ដំណឹងស្តីពីការសម្លាប់លោក Park បន្ទាប់ពីមានព័ត៌មានចុះផ្សាយថា អំពីការដាក់ទណ្ឌកម្មទៅលើមន្ត្រីដែលមានឥទ្ធិពលទី២ បន្ទាប់ពីលោក Kim Jung Un គឺឧត្តមសេនីយ៍ Hwang Pyong So នៅក្នុងបញ្ជី ការិយាល័យនយោបាយ ហើយបានបាត់មុខពីសាធារណៈ និងអវត្តមាននៅក្នុងកិច្ចប្រជុំបក្ស ក៏ដូចជានៅក្នុងពិធីប្រារព្ធផ្សេងៗ ដែលបង្កឱ្យមានកង្វល់ថា គាត់ត្រូវបានគេសម្លាប់ហើយ។

នៅក្នុងសម័យប្រជុំរយៈពេលខ្លីមួយកាលពីខែវិច្ឆិកា ទីភ្នាក់ងារចារកម្មកូរ៉េខាងត្បូងនិយាយថា ឧត្តមសេនីយ៍ Hwang ហើយនិងជំនួយការរបស់គាត់ត្រូវបានគេដាក់ទណ្ឌកម្ម ដោយសារតែឥរិយាបថមិនស្មោះត្រង់។

សមាជិករដ្ឋសភាម្នា ក់បាននិយាយទៅកាន់សារព័ត៌មានក្រោយពីកិច្ចប្រជុំរយៈពេលខ្លីនោះ ថា គាត់មិនអាចផ្តល់យោបល់បានទេស្តីពីព័ត៌មានលម្អិតអំពីការធ្វើទណ្ឌកម្មនេះ ដោយសារតែវាគឺជាព័ត៌មានសម្ងាត់។

កាលពីសប្តាហ៍មុន ការចុះផ្សាយរបស់កាសែត Korea JoongAn ប្រចាំថ្ងៃ របស់កូរ៉េខាងត្បូងបានលើកសម្តីប្រភពព័ត៌មានដែលមិនបង្ហាញអត្តសញ្ញាណថា ឧត្តមសេនីយ៍ Hwang ត្រូវបានគេបោសសម្អាតចេញពីបក្ស ដោយសារតែទទួលសំណូក ហើយអនុប្រធានរបស់គាត់ត្រូវបានគេបញ្ជូនទៅកាន់ជុំរំឃុំឃាំង៕

ប្រភព : Newsweek ចុះថ្ងៃទី២០ ខែធ្នូ ឆ្នាំ២០១៧