រដ្ឋមន្ត្រីក្រសួងទេសចរណ៍ ដឹកនាំកិច្ចប្រជុំពិភាក្សាលើការងាររៀបចំពិធីបុណ្យសមុទ្រ

កែប៖ នៅសាលប្រជុំសាលាខេត្តកែប នៅថ្ងៃទី២១ ខែធ្នូ ឆ្នាំ២០១៧ មានកិច្ចប្រជុំលើកចុងក្រោយ ដើម្បីពិភាក្សាលើការងាររៀបចំ ពិធីបុណ្យសមុទ្រនាថ្ងៃទី២២ ដល់ថ្ងៃទី២៤ ខែធ្នូ ឆ្នាំ២០១៧ នៅខេត្តកែប។ កិច្ចប្រជុំនេះបានប្រព្រឹត្តទៅ ក្រោមអធិបតីភាពលោក ថោង ខុន រដ្ឋមន្ត្រីក្រសួងទេសចរណ៍ និងលោក កែន សត្ថា អភិបាលខេត្ត ព្រមទាំងមានការអញ្ជើញចូលរួមពីលោក លោកស្រីជាប្រតិភូអមដំណើរ នៃក្រសួងទេសចរណ៍ ថ្នាក់ដឹកនាំខេត្ត និងអ្នកពាក់ព័ន្ធមួយចំនួនទៀត៕