ព្រះសីហនុ៖ នៅថ្ងៃសុក្រ ៥កើត ខែបុស្ស ឆ្នាំរកា ព.ស ២៥៦១ ត្រូវនិងថ្ងៃទី ២២ ខែ ធ្នូ ធ្នាំ ២០១៧ លោក គង់ វិតាណៈ អភិបាលរងខេត្តព្រះសីហនុ បានដឹកនាំមន្ត្រីទីចាត់ការចំណុះសាលាខេត្ត មន្ទីរជំនាញ និងតំបន់សេដ្ឋកិច្ចពិសេស នៅខេត្តព្រះសីហនុ ជួបប្រជុំជាមួយមន្ត្រី តំណាងអង្គការសហប្រជាជាតិ សម្រាប់ការអភិវឌ្ឍឧស្សាហកម្ម (UNIDO) គោលបំណងនៃកិច្ចប្រជុំនេះ គឺដើម្បីប្រមូលធាតុចូលដូចជា ស្ថានភាពទូទៅ នៃវិស័យឧស្សាហកម្ម បញ្ហាប្រឈម និងឱកាសនៃកាអភិវឌ្ឍតំបន់សេដ្ឋកិច្ចពិសេសនៅក្នងខេត្តព្រះសីហនុ។
សូមជម្រាបផងដែរថា នៅក្នុងកិច្ចពិភាក្សានោះ ភាគីរដ្ឋបាលខេត្ត បានផ្តល់នូវព័ត៌មាន ដែលជាតម្រូវការរបស់ UNIDO ដើម្បីជាទិន្នន័យសម្រាប់ប្រើប្រាស់ ក្នុងការរៀបចំគម្រោងអភិវឌ្ឍវិស័យឧស្សាហកម្មនៅក្នុងខេត្តព្រះសីហនុ។ កិច្ចពិភាក្សាបានដំណើរប្រកបដោយជោគជ័យ ហើយភាគីទាំងពីរបានឯកភាពនិងបន្តកិច្ចប្រជុំ នាពេលខាងមុខទៀត តាមសំណើរបស់ UNIDO ៕
No comments:
Post a Comment