ការព្រមានអំពីការខ្វះខាតពលកម្មនៅពេលជនចំណាកស្រុករាប់លាននាក់បានរត់គេចខ្លួនទៅកាន់ប្រទេសកំណើតរបស់គេ។
ក្រុមការពារសិទ្ធិមនុស្សខាងផ្នែកពលកម្មបានជំរុញឲ្យរដ្ឋាភិបាលអនុម័តវិធានការបន្ថែមដើម្បីជួយផ្តល់ភាពស្របច្បាប់ដល់កម្មករចំណាកស្រុកប្រមាណ ២ លាននាក់នៅថៃដោយសារតែមានច្បាប់ពលករបរទេសថ្មី។
លោក Sompong Srakaew នាយករបស់បណ្តាញលើកកម្ពស់សិទ្ធិពលករបាននិយាយថា កម្មករចំណាកស្រុកមានលិខិតឆ្លងដែនសុពលភាព ប៉ុន្តែការងាររបស់គេមិនបានឆ្លើយតបទៅនឹងលិខិតឆ្លងដែនដែលបានបញ្ជាក់នៅក្នុងលិខិតអនុញ្ញាតការងាររបស់គេ ឬគេបានប្តូរទៅកាន់និយោជកថ្មី ហើយគេមិនគួរស្ថិតក្នុងអ្នកដែលអនុវត្តតាមច្បាប់ថ្មីនោះទេ។ ប្រទេសថៃមានពលករចំណាកស្រុកសរុបប្រហែល ៥ លាននាក់ ប៉ុន្តែមានត្រឹមតែ ១,៣ លាននាក់ប៉ុណ្ណោះដែលមានឯកសារសមស្របនិងមិនបំពេញតាមសេចក្តីត្រូវការផ្លូវច្បាប់ថ្មីពេញលេញ។ អ្នកផ្សេងទៀតរាប់បញ្ចូលទាំងអ្នកដែលមានលិខិតឆ្លងដែនសុពលភាព ប៉ុន្តែបានផ្លាស់ប្តូរការងារ ឬនិយោជក ព្រមទាំងអ្នកដែលមិនមានឯកសារណាមួយ ក្រៅពីធ្វើការខុសច្បាប់នៅប្រទេសថៃ។
លោក Sompong បាននិយាយថា គាត់នឹងពិភាក្សាអំពីបញ្ហាជាមួយក្រសួងការងារនៅថ្ងៃពុធ និងជំរុញឲ្យរដ្ឋាភិបាលដាក់វិធានការថ្មីៗ ដើម្បីជួយអ្នកដែលមានខ្លះរួចហើយដើម្បីធ្វើការងារនៅប្រទេសថៃ។
កម្មករចំណាកស្រុកខ្លះមានការព្រួយបារម្ភថា ពួកគេនឹងត្រូវចាប់ខ្លួន ទោះបីជាពួកគេមានឯកសារក៏ដោយ។ នៅក្នុងករណីជាច្រើន ភ្នាក់ងារជ្រើសរើសពលករ ឬនិយោជកបានដកយកឯកសាររបស់កម្មករ ដូច្នេះគេមិនអាចផ្ទៀងផ្ទាត់អត្តសញ្ញាណរបស់អ្នកដែលមានលិខិតអនុញ្ញាតធ្វើការងារនៅកន្លែងការងារថ្មីរបស់គេ។ ជាងនេះទៅទៀត រោងចក្រជាច្រើនមិនចង់ជួលកម្មករចំណាកស្រុកដោយផ្ទាល់ ដូច្នេះពួកគេបានងាកទៅរកជ្រើសរើសកម្មករបន្តដែលមិនមានតម្លាភាពក្នុងការបំពេញតាមតម្រូវការរបស់ច្បាប់។
លោក Sompong បាននិយាយថា “ប្រសិនបើរដ្ឋាភិបាលមិនចាត់វិធានការបង្ការនោះទេ ប្រទេសថៃនឹងប្រឈមមុខវិបត្តិការងារម្តងទៀត ស្រដៀងគ្នានឹងអ្វីបានកើតឡើងកាលពីឆ្នាំ ២០១៤ នោះដែរ។ កម្មករចំណាកស្រុកជាច្រើនដែលមានលិខិតឆ្លងដែន ឬប័ណ្ណពណ៌ផ្កាឈូកមានចំនួនប្រមាណ ២,៦ លាននាក់។ អ្នកផ្សេងទៀតត្រូវបានចាត់ទុកថា ជាកម្មករចំណាកស្រុកលួចលាក់ ហើយចំនួនពិតប្រាកដរបស់គេមិនត្រូវបានគេដឹងនោះទេ។ វិបត្តិថ្មីមួយនឹងធ្វើឲ្យប៉ះពាល់ដល់វិស័យទាំងអស់របស់សេដ្ឋកិច្ចថៃ។ ឧទាហរណ៍ គម្រោងសំណង់ធំៗនឹងត្រូវផ្អាក ដោយសារតែកម្មករភាគច្រើនគឺជាជនចំណាកស្រុកដែលជួលតាមរយៈអ្នកជ្រើសរើសកម្មករបន្ត”។
ទោះបីជាការអនុវត្តច្បាប់ពលករបរទេសថ្មីនោះត្រូវបានគេព្យួររយៈពេល ១២០ ថ្ងៃចាប់ពីថ្ងៃទី ២៣ ខែមិថុនាមកក៏ដោយ ក៏កម្មករចំណាកស្រុករាប់សិបពាន់នាក់ពីកម្ពុជា និងមីយ៉ាន់ម៉ាបានចាកចេញពីប្រទេសថៃ ដោយសារតែការដាក់ទណ្ឌកម្មធ្ងន់ធ្ងរដែលចែងនៅក្នុងច្បាប់នោះ។ នៅក្នុងខេត្ត Tak មានព្រំដែនជាប់ប្រទេសមីយ៉ាន់ម៉ា កម្មករចំណាកស្រុកជាង ៣០.០០០ នាក់បានវិលត្រឡប់ទៅកាន់ប្រទេសកំណើតរបស់គេរួចហើយក្នុងរយៈពេល ៣ ថ្ងៃនេះ ក្នុងខណៈដែលកម្មករកម្ពុជារាប់សិបពាន់នាក់ក៏បានចាកចេញផងដែរ។
យោងតាមក្រុមតស៊ូមតិលើសិទ្ធិពលករបានឲ្យដឹងថា គួរតែមានវិធានការបន្ថែមដើម្បីបំពេញបន្ថែមទៅនឹងច្បាប់ថ្មីនោះ។ វិធានការទីមួយនឹងតម្រូវឲ្យកម្មករចំណាកស្រុកទាំងអស់រក្សាលិខិតឆ្លងដែននិងលិខិតអនុញ្ញាតធ្វើការរបស់គេដោយខ្លួនឯង។ ទីពីរ ពួកគេគួរតែត្រូវបានអនុញ្ញាតឲ្យប្តូរការងារ ឬនិយោជកដោយស្របច្បាប់។ ទីបី រដ្ឋាភិបាលគួរតែជួលក្រុមហ៊ុនឯកជនដើម្បីធ្វើការងារចុះបញ្ជីសម្រាប់សេវាឆាប់រហ័ស ជាជាងការប្រើប្រាស់ថវិការរបស់ខ្លួនលើការអនុវត្តច្បាប់។ ទីបួន ការចំណាយសម្រាប់ឯកសារសមស្រប និងការចុះបញ្ជីគួរតែបន្ទាបពីតម្លៃបច្ចុប្បន្នចំនួន ៣០.០០០ ទៅចំនួន ២០.០០០ បាត ក្នុងម្នាក់។
ទន្ទឹមគ្នានោះដែរ រដ្ឋមន្ត្រីការបរទេសមីយ៉ាន់ម៉ាលោកស្រី អ៊ុង សានស៊ូជី បានប្រាប់អ្នកគាំទ្រថា គាត់នឹងចរចាជាមួយរដ្ឋាភិបាលថៃ ដើម្បីជួយដោះស្រាយបញ្ហាដែលចេញពីច្បាប់ពលកម្មថ្មីរបស់ថៃនោះ ដោយសារតែពលករចំណាកស្រុកមីយ៉ាន់ម៉ារាប់ពាន់នាក់បានបាត់បង់ការងារ។
អាជ្ញាធរអន្តោរប្រវេសន៍នៅក្បែព្រំដែន កម្ពុជា-ថៃ បានបង្កើនការត្រួតពិនិត្យរបស់គេលើប្រជាជនកម្ពុជាដែលចង់ចូលប្រទេសថៃ ដើម្បីដោះស្រាយបញ្ហាជួញដូរមនុស្សដែលកម្មករចំណាកស្រុកគ្មានឯកសារត្រូវបានរំលោភបំពានដោយបណ្តាញឧក្រឹដ្ឋជន។ ប៉ុន្តែ លោក Surawud Wongsamran នាយករបស់សភាពាណិជ្ជកម្មខេត្តស្រះកែវបាននិយាយថា ច្បាប់ពលករបរទេសថ្មីនោះបានធ្វើឲ្យប៉ះពាល់ដល់ធុរកិច្ចរបស់ថៃ ជាពិសេសសហគ្រាសខ្នាតតូច និងមធ្យម និងកសិកម្ម៕
ប្រភព៖ The Nation ចុះថ្ងៃ០៣ ខែកក្កដា ឆ្នាំ២០១៧
No comments:
Post a Comment