កិច្ចប្រជុំសម្របសម្រួលលើបញ្ហាប្រជាពលរដ្ឋ និងក្រុមហ៊ុន GAEA

នារសៀលថ្ងៃច័ន្ទ ៥រោច ខែមាឃ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី ៥ ខែកុម្ភ: ឆ្នាំ២០១៨ លោក ពៅ ពិសិដ្ឋ អភិបាលរងខេត្ត តំណាងលោក ឃឹម ប៊ុនសុង អភិបាល នៃគណ:អភិបាលខេត្តសៀមរាប បានដឹកនាំ​កិច្ចប្រជុំសម្របសម្រួលលើបញ្ហាប្រជាពលរដ្ឋ និងក្រុមហ៊ុន GAEA ពាក់ព័ន្ធនឹងការតវ៉ារបស់ប្រជាពលរដ្ឋ​ក្នុងភូមិត្រពាំងធំ ឃុំត្រពាំងធំ ស្រុកប្រាសាទបាគង ខេត្តសៀមរាប កាលពីថ្ងៃទី ៤ ខែ កុម្ភៈ ឆ្នាំ ២០១៨ ។

កិច្ចប្រជុំនេះដោយមានការចូលរួមពី លោក សុខ ថុល នាយករដ្ឋបាលស្តីទីសាលាខេត្ត លោក សូរ បា្លតុង អភិបាលក្រុងសៀមរាម លោក នួន មុនី ប្រធានមន្ទីរបរិស្ថានខេត្ត លោក ធិននី វិធូរ អភិបាលរងស្រុក​ប្រាសាទបាគង តំណាងទីចាត់ការអន្តរវិស័យសាលាខេត្ត តំណាងទីចាត់ការផែន និងវិនិយោគសាលាខេត្ត លោក មេឃុំត្រពាំងធំ តំណាងប្រជាពលរដ្ឋ និងតំណាងក្រុមហ៊ុន GAEA ។

ជាលទ្ធផលកិច្ចប្រជុំនាពេលនេះបានឯកភាពជាគោលការណ៍ដូចតទៅ ៖
១-ឯកភាពគ្នាយកទីតាំងរណ្តៅថ្មីនៅក្បែរទីលានចាក់សំរាមចាស់ ឈ្មោះ តាន់ សុគង់
២-រដ្ឋបាលខេត្ត រដ្ឋបាលក្រុង/ស្រុក និងមន្ទីរ-អង្គភាពពាក់ព័ន្ធ នឹងសិក្សាស្វែងរកទីលានចាក់សំរាមថ្មី ក្នុង​អន្តរកាល​​រយៈពេល ៦ខែ
៣-ណែនាំឲ្យអាជ្ញាធរស្រុក ឃុំ ភូមិ និងតំណាងប្រជាពលរដ្ឋត្រូវបន្តជួយ​ណែនាំដល់បងប្អូនប្រជាពលរដ្ឋ​ដែល​រើសអេតចាយចូលរួមសហការជាមួយអាជ្ញាធរ។
៤-ក្រុមហ៊ុនជួយសំរួលបើកផ្លូវចេញ របស់ប្រជាពលរដ្ឋ ដែលក្រុមហ៊ុនបានបិទ ដើម្បីចេញចូលទៅចាក់សំរាមនៅទីតាំងដែល ប្រជាពលរដ្ឋកំពុងតវ៉ា៕