កិច្ចប្រជុំផ្សព្វផ្សាយ និងណែនាំស្តីពីការប្រមូលព័ត៌មានតម្រូវការអាទិភាពរបស់មូលដ្ឋាន សម្រាប់ការកសាងកម្មវិធីនិយោគបីឆ្នាំរំកិល (២០១៩-២០២១)

កំពង់ឆ្នាំង៖ នៅព្រឹកថ្ងៃអង្គារ៍ ៦រោច ខែមាឃ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី ៦ ខែកុម្ភៈ ឆ្នាំ២០១៨ នៅសាលប្រជុំសាលាខេត្តកំពង់ឆ្នាំង បានរៀបចំកិច្ចប្រជុំផ្សព្វផ្សាយ និងណែនាំស្តីពីការប្រមូលព័ត៌មាន​តម្រូវ​ការអាទិភាពរបស់មូលដ្ឋាន សម្រាប់ការកសាងកម្មវិធីនិយោគបីឆ្នាំរំកិល (២០១៩-២០២១)ខេត្តកំពង់ឆ្នាំង ក្រោមអធិបតីភាពដ៏ខ្ពង់ខ្ពស់លោក ឈួរ ច័ន្ទឌឿន អភិបាលខេត្តកំពង់ឆ្នាំង និងមានការចូលរួមពីលោកស្រី តុង ណារី សមាជិកាក្រុមប្រឹក្សាខេត្ត លោកនាយករងរដ្ឋបាលសាលាខេត្ត លោកនាយកទីចាត់ផែនការនិងវិនិយោគ លោក លោកស្រីប្រធាន អនុប្រធានមន្ទីរ អភិបាល អភិបាលរងក្រុង ស្រុក នាយករដ្ឋបាលក្រុង ស្រុក និងមានអង្គការ សង្គមស៊ីវិល ចូលរួមជាភ្ញៀវកិត្តិយស ៕