ផែនការអភិវឌ្ឍន៍មេ ឆ្នាំ ២០៣០ នៅតំបន់ភាគខាងកើតនេះ រួមមានការសាងសង់ស្ពានចម្ងាយ ១១ គីឡូម៉ែត្រ តភ្ជាប់ពីដែនដីសហព័ន្ធ Labuan ជាមួយនឹងរដ្ឋ Sabah ដែលផែនការនេះត្រូវបានគេលើកឡើងជាច្រើនទសវត្សរ៍មកហើយ តែមិនដែលបានធ្វើនោះទេ។ ស្ពាននេះ គឺជាផ្នែកមួយនៃផែនការសាងសង់ផ្លូវល្បឿនលឿនដែលមានទឹកប្រាក់ ៣,២ ពាន់លានដុល្លាររបស់លោក Najib តភ្ជាប់តំបន់ Sarawak និងរដ្ឋ Sabah។
ការសិក្សាស្រាវជ្រាវបានលើកឡើងថា ការគាំទ្រនៅតំបន់ម៉ាឡេភាគខាងកើតចំពោះសម្ព័ន្ធគណបក្សកាន់អំណាច Barisan Nasional (BN) របស់លោក Najib គឺមានកម្រិតទាបក្នុងរយៈពេលជាច្រើនឆ្នាំមកនេះ។ ផែនការនេះអាចបង្ហាញពីចំណុចស្លាប់រស់នៅក្នុងការបោះឆ្នោតសកល ដែលនឹងធ្វើឡើងនៅខែសីហាឆ្នាំនេះ។
លោក Najib បាននិយាយកាលពីថ្ងៃទី១៨ ខែមករាថា “ប្រសិនបើអ្នកធ្វើសេចក្តីសម្រេចចិត្តត្រូវ យើងនឹងផ្តល់នូវការផ្លាស់ប្តូរពិតប្រាកដ។” ដោយលើកឡើងថា ការបោះឆ្នោតជូនគណបក្ស BN គឺជា “សេចក្តីសម្រេចចិត្តយ៉ាងត្រឹមត្រូវ” សម្រាប់ប្រជាជនម៉ាឡេស៊ីនៅភាគខាងកើត។
ទោះបីជាយ៉ាងណាក៏ដោយ សកម្មភាពរបស់គណបក្សប្រឆាំងក៏មានការងើបឡើងផងដែរ ដោយសារគណបក្សថ្មី Malaysian United Indigenous Party (PPBM) ដែលបង្កើតឡើងដោយលោក Mahathir នៅឆ្នាំ ២០១៦ វេលាដែលគាត់បានចាកចេញពីគណបក្ស UMNO ដែលជាគណបក្សធំបំផុតនៅក្នុង BN។
គណបក្ស PPBM មានក្តីសង្ឃឹមថា ប្រជាជននឹងបោះឆ្នោតគាំទ្រច្រើនជាជាងនៅគណបក្ស UMNO គណបក្សដែលគាំទ្រជនជាតិភាគចិន និងឥណ្ឌា។
យោងតាមការសិក្សាស្រាវជ្រាវរបស់វិទ្យាស្ថាន Darul Ehsan បានឱ្យដឹងថា បន្ទាប់ពីលោក Mahathir ត្រូវបានគេដាក់ឈ្មោះជាបេក្ខភាពនាយករដ្ឋមន្រ្តីកាលពីខែមុន ការគាំទ្រចំពោះសម្ព័ន្ធគណបក្សប្រឆាំងបានងើបឡើងជាខ្លាំង ជាពិសេសនៅតំបន់ជនបទ Malay Muslim។
ក៏ប៉ុន្តែ បើទោះបីជា គណបក្ស PPBM មានការងើបឡើងនៅតំបន់ជ្រោយម៉ាឡេស៊ីក៏ដោយ ក៏អ្នកវិភាគមួយចំនួនគិតថា ប្រជាជនម៉ាឡេស៊ីភាគកើត មិនទំនងជាងចង់ឃើញលោក Mahathir ត្រឡប់ចូលកាន់តំណែងជានាយករដ្ឋមន្រ្តីទេ ដោយសារមានការលើកឡើងយ៉ាងទូលំទូលាយថា គាត់ធ្លាប់បានគ្រប់គ្រងតំបន់នេះ ដោយភាពអយុត្តិធម៌ និងមិនស្មើភាពអំឡុងពេលគាត់កាន់តំណែង។
អ្វីដែលជាបញ្ហាសម្រាប់សម្ព័ន្ធគណបក្សប្រឆាំងនៅតំបន់ដីកោះ Borneo គឺចំនួនគណបក្សក្នុងស្រុក ដែលភាគច្រើនមិនចង់ចូលរួមជាមួយសម្ព័ន្ធគណបក្សប្រឆាំងទេ។ កាលពីការបោះឆ្នោតលើកមុន បញ្ហានេះ បានបង្កឱ្យមានការខ្វែងគំនិតជាខ្លាំងក្នុងចំណោមគណបក្សសម្ព័ន្ធ ដែលកត្តានេះបានផ្តល់ផលប្រយោជន៍ដល់គណបក្សកាន់អំណាច BN។
នាពេលថ្មីៗនេះផងដែរ វិទ្យាស្ថានសិក្សាស្រាវជ្រាវរបស់ម៉ាឡេស៊ី Politweet បានធ្វើការវាយតម្លៃអំពីលទ្ធផលនៃការបោះឆ្នោតឆ្នាំ ២០១៣ របស់គណបក្សប្រឆាំង Raykat ថា ជាមូលដ្ឋានមួយដែលអាចបង្កើនការគាំទ្រចំនួន ៥ ភាគរយ ដល់គណបក្សប្រឆាំង។
ការស្ទាបស្ទង់មួយដែលធ្វើឡើងកាលពីឆ្នាំមុន ដោយក្រុមសិក្សាស្រាវជ្រាវ Invoke Malaysia បានព្យាករណ៍ថា គណបក្សរបស់លោក Mahathir នឹងឈ្នះ៨ អាសនៈនៅរដ្ឋ Sabah និងឈ្នះ ៥ អាសនៈនៅតំបន់ Sarawak គឺស្មើនឹង ១៣ អាសនៈ។
ក៏ប៉ុន្តែ ប្រសិនបើលទ្ធផលនៅជ្រោយម៉ាឡេស៊ីគៀកកិតដូចការព្យាករណ៍របស់អ្នកវិភាគពិតមែន នោះ អាសនៈនៅតំបន់ម៉ាឡេភាគខាងកើតនេះ អាចសម្រេចថា តើអ្នកណាជាអ្នកឈ្នះនៅក្នុងការបោះឆ្នោតរបស់ម៉ាឡេស៊ីនៅថ្ងៃខាងមុនេះ៕
ប្រភព៖ Asian Times ចុះថ្ងៃទី០៥ ខែកុម្ភៈ ឆ្នាំ២០១៨
No comments:
Post a Comment