បេឡាជាតិរបបសន្តិសុខសង្គម និងធនាគារឯកទេសវីង ចុះអនុស្សារណៈយោគយល់គ្នា ស្តីពីការប្រើប្រាស់សេវាកម្មសម្រាប់បង់ភាគទានមកបេឡាជាតិរបបសន្តិសុខសង្គម

នៅថ្ងៃទី២០ ខែវិច្ឆិកា ឆ្នាំ២០១៧នេះ បេឡាជាតិរបបសន្តិសុខសង្គម (ប.ស.ស) និង ធនាគារឯកទេសវីង (ខេមបូឌា) លីមីតធីត បានរៀបចំពិធីចុះហត្ថលេខាលើអនុស្សារណៈយោគយល់គ្នា ស្តីពីការប្រើប្រាស់សេវាកម្មសម្រាប់បង់ភាគទានមក បេឡាជាតិរបបសន្តិសុខសង្គម ដែលប្រព្រឹត្តនៅសណ្ឋាគារ កាំបូឌីយ៉ាណា។

ពិធីនេះដែរធ្វើឡើងក្រោមអធិបតីភាព លោក អ៊ុក សមវិទ្យា ប្រតិភូរាជរដ្ឋាភិបាល ទទួលបន្ទុកជានាយកបេឡាជាតិរបបសន្តិសុខសង្គម និងលោក Ruan Swanepoel នាយកជាន់ខ្ពស់ ទទួលបន្ទុកពាណិជ្ជកម្ម ក្នុងគោលបំណងផ្តល់សេវា និងទូទាត់ជូនកម្មករនិយោជិត ដែលទទួលរងគ្រោះថ្នាក់ផ្នែកហានិភ័យការងារ ផ្នែកថែទាំសុខភាព ក៏ដូចជាការផ្តល់ប្រាក់ឧបត្ថម្ភរបស់រាជរដ្ឋាភិបាល សម្រាប់ស្ត្រីនៅពេលសម្រាលកូន ឲ្យបានទាន់ពេលវេលា និងឆាប់រហ័សជាងមុន៕