នាយឧត្តមសេនីយ៍​ គន់ គីម​ ប្រគល់ផ្ទះ​ចំនួន៤ខ្នង​ ដល់ប្រជាពលរដ្ឋ​ ៤គ្រួសារ​ ក្នុងខេត្ត​ឧត្តរមានជ័យ

ថ្ងៃទី១៨ ខែមេសា ឆ្នាំ២០១៧ នាយឧត្តមសេនីយ៍ គន់ គីម ប្រធានក្រុមការងារថ្នាក់ជាតិចុះជួយខេត្តឧត្តរមានជ័យ បានប្រគល់ផ្ទះចំនួន៤ខ្នង ដល់ប្រជាពលរដ្ឋចំនួន៤គ្រួសារ មានជីវភាពលំបាក ដែលជាអំណោយរបស់លោកនាយករដ្ឋមន្ត្រី ហ៊ុន សែន ស្ថិតនៅក្នុងស្រុកអន្លង់វែង ខេត្តឧត្តរមានជ័យ។

ប្រជាពលរដ្ឋចំនួន៤គ្រួសារ ដែលទទួលបានផ្ទះ ជាអំណោយរបស់លោកនាយករដ្ឋមន្ត្រី ហ៊ុន សែន រួមមាន៖ ទី១- គ្រួសារលោក ធូ រើយ នៅភូមិគោកសំព័រ ដែលត្រូវភ្លើងឆេះផ្ទះ ទី២- គ្រួសារលោក អ៊ុយ ធី នៅភូមិ អូរគគីកណ្តាល មានជីវភាពក្រីក្រ រស់នៅភូមិទំនប់ ឃុំត្រពាំងតាវ ទី៣- គ្រួសារលោក ញេស ហឿន ដែលត្រូវភ្លើងឆេះផ្ទះ ដោយឡែក ទី៤- គ្រួសារ លោក គង់ គីន ដែលសុំដីគេសង់ផ្ទះ នៅជាបណ្ដោះអាសន្ន ហើយត្រូវភ្លើងឆេះផ្ទះ នាយឧត្តមសេនីយ៍បានសម្រេចទិញដី និងសង់ផ្ទះជូន ។

ក្រុមគ្រួសារទាំង៤គ្រួសារ បានថ្លែងអំណរអគុណចំពោះលោកនាយករដ្ឋមន្ត្រី ហ៊ុន សែន នាយឧត្តមសេនីយ៍ គន់ គីម ប្រធានក្រុមការងារ ថ្នាក់ជាតិចុះជួយខេត្ត ថ្នាក់ដឹកនាំខេត្ត ដែលបានគិតគូរបញ្ហាខាងលើយ៉ាងឆាប់រហ័ស និងឆ្លើយតបជូនពួកគាត់បានលឿនផងដែរ៕