ព្រឹទ្ធសភា នឹងបើកកិច្ច​ប្រជុំគណៈកម្មាធិការ​អចិន្ដ្រៃយ៍ ​ដោយពិនិត្យ​ និងពិភាក្សា​លើរបៀប ​វារៈចំនួន៣​

យោងតាមសេចក្ដីជូនដំណឹងរបស់អគ្គលេខាធិការដ្ឋានព្រឹទ្ធសភា នៅថ្ងៃទី១៩ ខែមេសា ឆ្នាំ២០១៧នេះ បានឲ្យដឹងថា នៅថ្ងៃទី២០ ខែមេសា ឆ្នាំ២០១៧ ស្អែក នៅវេលាម៉ោង០៨៖០០ព្រឹក ព្រឹទ្ធសភានឹងបើកកិច្ចប្រជុំគណៈកម្មាធិការអចិន្ដ្រៃយ៍ ក្រោមអធិបតីភាព លោក សាយ ឈុំ ប្រធានព្រឹទ្ធសភានៃកម្ពុជា ដោយពិនិត្យ និងពិភាក្សាលើរបៀបវារៈចំនួន៣៖ ទី១- ពិនិត្យ និងសម្រេចលើសំណើរបស់គណៈកម្មការទី៦ ព្រឹទ្ធសភា សុំដាក់សេចក្ដីស្មើច្បាប់ស្ដីពីវិសោធកម្មច្បាប់ស្ដីពី លក្ខន្ដិកមន្រ្តីរាជការ នៃក្រុមនីតិប្បញ្ញត្តិ ទៅក្នុងរបៀបវារៈសម័យប្រជុំលើកទី១០ព្រឹទ្ធសភា នីតិកាលទី៣។ ទី២- ពិនិត្យ និងសម្រចលើសំណើរបស់គណៈកម្មការទី៩ព្រឹទ្ធសភា សុំដាក់សេចក្ដីព្រាងច្បាប់ស្ដីពី ការអនុម័តយល់ព្រមលើពិធីសារនិងទី៣- ធ្វើវិសោធកម្មកិច្ចព្រមព្រៀង ពាណិជ្ជកម្មទំនិញ នៅក្រោមកិច្ចព្រមព្រៀងក្រមខ័ណ្ឌស្ដីពីកិច្ចសហប្រតិបត្តិការសេដ្ឋកិច្ចទូលំទូលាយក្នុងចំណោមរដ្ឋាភិបាល នៃប្រទេសសមាជិកអាស៊ាន និងសាធារណរដ្ឋកូរ៉េ ទៅក្នុងរបៀបវារៈសម័យប្រជុំលើកទី១០ព្រឹទ្ធសភា នីតិកាលទី៣ និងកំណត់កាលបរិច្ឆេទ និងរបៀបវារៈបន្តសម័យប្រជុំលើកទី១០ ព្រឹទ្ធសភា នីតីកាលទី៣៕