ប្រធានក្រុមសភាជាតិកម្ពុជានៃអ្នកនយោបាយសភាស្រ្តី ថ្វាយសារលិខិតថ្វាយព្រះពរ សម្តេច ព្រះមហាក្សត្រី ក្នុងទិវាអន្តរជាតិនារី ០៨ មីនា

នៅថ្ងៃទី០៦ ខែមីនា ឆ្នាំ២០១៧ ប្រធានក្រុមសភាជាតិកម្ពុជានៃអ្នកនយោបាយសភាស្ត្រី លោកស្រី ឃួន សុដារី បានថ្វាយសារលិខិតថ្វាយព្រះពរចំពោះសម្តេចព្រះមហាក្សត្រី ក្នុងឱកាសអបអរសាទរខួបលើកទី១០៦ ទិវាអន្តរជាតិនារី ០៨ មីនា ឆ្នាំ២០១៧ ក្រោមប្រធានបទ «ស្រ្តីដើម្បីសុខសន្តិភាព និងវឌ្ឍនភាព»។

តាងនាមក្រុមសភាជាតិកម្ពុជា នៃអ្នកនយោបាយសភាស្រ្តី សូមព្រះបរមរាជានុញ្ញាតថ្វាយនូវ កតញ្ញុតាធម៌ដ៏ជ្រាលជ្រៅ ចំពោះព្រះមហាករុណាទិគុណរបស់សម្តេចព្រះមហាក្សត្រី ព្រះវររាជមាតាជាតិខ្មែរ ដែលជានិច្ចកាលតែងយកអស់ព្រះកាយពល ក្នុងព្រះរាជតួនាទីជាព្រះ រាជបេសកកម្មដ៏ឧត្តុង្គឧត្តមថ្លៃថ្លា ដើម្បីបុព្វហេតុជាតិមាតុភូមិ ជាពិសេសក្នុងការលើកស្ទួយ ស្ថានភាពស្រ្តី ក្នុងព្រះរាជតួនាទីជាព្រះប្រធានកិត្តិយសកាកបាទក្រហមកម្ពុជា និងប្រធាន កិត្តិយសក្រុមប្រឹក្សាជាតិកម្ពុជាដើម្បីស្រ្តី៕