(ភ្នំពេញ)៖ លោកនាយករដ្ឋមន្រ្តី ហ៊ុន សែន បានថ្លែងថា អ្វីដែលទទួលបានសព្វថ្ងៃនេះមិនមែនធ្លាក់ពីលើមេឃទេ ហើយក៏មិនមែន ដើរសន្យាខ្យល់ដែរ។ លោក បានថ្លែងដូចនេះ នៅព្រឹកថ្ងៃទី ២២ ខែកុម្ភៈ ឆ្នាំ២០១៧ ក្នុងឱកាសអញ្ជើញប្រគល់សញ្ញាបត្រ ដល់និស្សិត នៃសាកលវិទ្យាល័យភ្នំពេញអន្តរជាតិចំនួន ១,៤៣១នាក់ នៅវិទ្យាស្ថានជាតិអប់រំ រាជធានីភ្នំពេញ។
ប្រមុខរាជរដ្ឋាភិបាលកម្ពុជា បានបញ្ជាក់ថា សមិទ្ធផលដែលកម្ពុជា ទទួលបានសព្វថ្ងៃនេះ គឺកើតឡើងពីកិច្ចខិតខំប្រឹងប្រែងក្នុងការបណ្តុះបណ្តាលធនធានមនុស្ស ដែលទាំងអស់នេះពុំមែនធ្លាក់មកពីលើមេឃ ឬការសន្យាខ្យល់នោះឡើយ។
លោកនាយករដ្ឋមន្រ្តី ក៏បានបញ្ជាក់ថា បច្ចុប្បន្នប្រទេសកម្ពុជា កំពុងតែមានការអភិវឌ្ឍទៅមុខជាលំដាប់ ពីប្រទេសមានចំណូលទាប ក្លាយជាប្រទេស មានចំណូមមធ្យមកម្រិតទាប។ លោក ក៏បានថ្លែងបញ្ជាក់ថា នៅឆ្នាំ២០៣០ កម្ពុជា នឹងក្លាយជាប្រទេសមានចំណូលមធ្យមកម្រិតខ្ពស់ និងនៅឆ្នាំ២០៥០ នឹងក្លាយជាប្រទេសមានចំណូលខ្ពស់៕
No comments:
Post a Comment