កំពង់ឆ្នាំង៖ នៅថ្ងៃអាទិត្យ ១១រោច ខែមាឃ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី១១ ខែកុម្ភៈ ឆ្នាំ២០១៨ លោកឧត្តមសេនីយ៍ទោ ធន ធឿន ប្រធានគណៈកម្មាធិការសមាគមអតីតយុទ្ធជនកម្ពុជា ខេត្តកំពង់ឆ្នាំង រួមនិងមន្រ្តីក្រុមការងារស.អ.ក ខេត្ត ស្រុក ឃុំ បានអញ្ជើញចូលរួមគោរពវិញ្ញាណក្ខ័ន្ធ សព លោក នៅ វឿន អតីតជាយោធិនចូលនិវត្តន៍ ដែលបានទទួលមរណៈភាព កាលពីវេលាយប់ថ្ងៃទី១០ ខែកុម្ភៈ ឆ្នាំ២០១៨ នៅភូមិទឹកចេញ ឃុំជើងគ្រាវ ស្រុករលាប្អៀរ ខេត្តកំពង់ឆ្នាំង។ ក្នុងឱកាសនោះ លោកឧត្តមសេនីយ៍ទោ បានប្រគល់ថវិកាបេឡាមរណៈសង្រ្គោះ របស់សមាគមអតីតយុទ្ធជនកម្ពុជា ចំនួន ៤លានរៀល ទៅជូនលោកស្រី ផាត់ សារ៉ាត់ ត្រូវជាភរិយានៃសពផងដែរ។
ក្នុងឱកាសដ៏ក្រៀមក្រំនេះ លោក ប្រេង សារ៉ន ត្រូវជាបងបង្កើតរបស់សព បានគោរពថ្លែងអំណរគុណយ៉ាងជ្រាលជ្រៅបំផុត ជូនចំពោះលោកនាយករដ្ឋមន្រ្តី ហ៊ុន សែន ប្រធានសមាគមអតីតយុទ្ធជនកម្ពុជា ជូនចំពោះ លោក លោកស្រី ថ្នាក់ដឹកនាំគ្រប់លំដាប់ថ្នាក់ របស់សមាគម ដែលបានប្រគល់ថវិកាបេឡាមរណៈសង្រ្គោះជូនគ្រួសារសពបានទាន់ពេលកំពុងប្រារព្ធធ្វើពិធីបុណ្យសព។
លោក ប្រេង សារ៉ន បានថ្លែងដោយគោរពថា គ្មានអ្វីតបស្នងសងគុណនោះទេ គឺមានតែម្រាមដៃដប់ សំពះគោរពថ្លែងអំណរអគុណ និងសូមគោរពជូនពរដល់ លោកនាយករដ្ឋមន្រ្តី ហ៊ុន សែន សូមលោកមានជន្មាយុយឺនយូរ សុខភាពល្អបរិបូណ៍ជួបតែសេចក្តីសុខ សុភមង្គល ហើយលោកនិងក្រុមគ្រួសារបានប្តេជ្ញាថា នៅតែគាំទ្រនូវគោលនយោបាយរបស់រាជរដ្ឋាភិបាលដែលដឹកនាំដោយគណបក្សប្រជាជនកម្ពុជាជាពិសេសនៅតែបន្តគាំទ្រ បេក្ខភាពលោកនាយករដ្ឋមន្រ្តី ហ៊ុន សែន បន្តទៀតដើម្បីដឹកនាំនាវាកម្ពុជាឱ្យកាន់តែសម្បូររុងរឿងជានិច្ចនិរន្តរ៍តរៀងទៅ៕
No comments:
Post a Comment