ថ្នាក់ដឹកនាំខេត្តកំពង់ឆ្នាំង មន្រ្តីរាជការ និងប្រជាពលរដ្ឋ ប្រារព្ធពិធីអបអរសាទរ​ «ប្រាសាទ​សំបូរព្រៃគុក»​ ត្រូវបាន​ដាក់បញ្ចូល​ជាសម្បត្តិ​បេតិកភណ្ឌ​ពិភពលោក​

កំពង់ឆ្នាំង៖ នៅព្រឹកថ្ងៃទី១០ ខែកក្កដា ឆ្នាំ២០១៧នេះ មន្រ្តីរាជការ កងម្លាំងប្រដាប់អាវុធ ព្រះសង្ឃ សិស្សានុសិស្ស និងប្រជាពលរដ្ឋទូទាំងខេត្តកំពង់ឆ្នាំង បានចូលរួមអបអរសាទរដែលតំបន់ “ប្រាសាទសំបូរព្រៃគុក” ត្រូវបានចុះបញ្ជីជាបេតិកភណ្ឌពិភពលោក នៅក្នុងកិច្ចប្រជុំទីក្រុង Krakow ប្រទេសប៉ូឡូញ កាលពីថ្ងៃទី០៨ ខែកក្កដា ឆ្នាំ២០១៧ កន្លងទៅថ្មីៗនេះ។

នៅក្នុងឱកាសអបអរសាទរនោះ គឺមានពិធីទូងស្គរជ័យ វាយជួង វាយធុង ជាការបន្លឺសំឡេងជ័យឃោស និងបានផ្សព្វផ្សាយតាមវិទ្យុ និងបណ្តាញសង្គម (Facebook) ដើម្បីសំដែងនូវការ អបអរសាទរយ៉ាងកងរំពងទូទាំងខេត្តកំពង់ឆ្នាំង។ នេះជាមោទនភាពជាតិយើងទាំងអស់គ្នាក្រោមការដឹកនាំរបស់លោកនាយករដ្ឋមន្រ្តី ហ៊ុន សែន ដែលបានធ្វើអោយប្រទេសជាតិ មានសុខសន្តិភាព និងកាន់តែរីកចម្រើនទៅមុខជាលំដាប់៕