ការដាក់បញ្ជូលប្រាសាទសំបូរព្រៃគុកជាសម្បត្តិបេតិកភណ្ឌពិភពលោក គឺពិតជាបានផ្តល់តម្លៃជាប្រវត្តិសាស្រ្តសម្រាប់មនុស្សជាតិ

នៅថ្ងៃទី១០ ខែកក្កដា ឆ្នាំ២០១៧នេះ មហាគ្រួសារនៃសហភាពសហព័ន្ធអ្នកសារព័ត៌មានកម្ពុជា បានបញ្ជាក់នៅក្នុងសារលិខិតអបអរសាទរថា ការដាក់បញ្ជូលប្រាសាទសំបូរព្រៃគុកជាសម្បត្តិបេតិកភណ្ឌពិភពលោក គឺពិតជាបានផ្តល់តម្លៃជាប្រវត្តិសាស្រ្តសម្រាប់មនុស្សជាតិ។

នៅក្នុងលិខិតដដែលនោះ ក៏បានបញ្ជាក់ថា «ប្រាសាទសំបូរព្រៃគុក» ដែលបានចូលជាសម្បត្តិបេតិកភណ្ឌពិភពលោក គឺជាសក្ខីភាពឆ្លុះបញ្ចាំងពីការខិតខំប្រឹងប្រែងឥតឈប់ឈររបស់ រាជរដ្ឋាភិបាលកម្ពុជា ក្រោមការដឹកនាំប្រកបដោយឧត្តមភាព និងទស្សនវិស័យវែងឆ្ងាយរបស់លោកនាយករដ្ឋមន្រ្តី ហ៊ុន សែន ដែលបានថែរក្សា ការពារ អភរិក្ស និងបញ្ចូលប្រាសាទព្រៃគុក ជាសម្បត្តិបេតិកភណ្ឌពិភពលោកបានជាស្ថាពរ ហើយកិច្ចប្រឹងប្រែងនេះពិតជាបានផ្តល់តម្លៃជាប្រវត្តិសាស្រ្តសម្រាប់មនុស្សជាតិ ទាំងការរក្សាមរតកស្នាដៃដូនតាអតីតកាលសម្រាប់មនុស្សជាតិបច្ចុប្បន្ន និងតទៅអនាគត៕