មជ្ឈមណ្ឌលអភិវឌ្ឍន៍ជនបទកម្ពុជា-កូរ៉េ ថ្មីមួយ ត្រូវបានលេចជារូបរាងឡើងក្នុង ក្រុងច្បារមនខេត្តកំពង់ស្ពឺ

នៅព្រឹកថ្ងៃទី០២ ខែសីហា ឆ្នាំ២០១៧នេះ លោក យឹម ឆៃលី ឧបនាយករដ្ឋមន្ដ្រី និងជាប្រធានក្រុមប្រឹក្សាស្ដារអភិវឌ្ឍន៍ វិស័យកសិកម្ម និងជនបទ តំណាងលោកនាយករដ្ឋមន្រ្ដី ហ៊ុន សែន បានអញ្ជើញសម្ពោធដាក់ឲ្យប្រើប្រាស់ជាផ្លូវការ នូវមជ្ឈមណ្ឌលអភិវឌ្ឍន៍ជនបទកម្ពុជា-កូរ៉េ។មជ្ឈមណ្ឌលអភិវឌ្ឍន៍នេះ ត្រូវបានគ្រប់គ្រងដោយក្រសួងអភិវឌ្ឍន៍ជនបទ មានទីតាំង ស្ថិតនៅភូមិផ្គង់ សង្កាត់ ច្បារមន ក្រុងច្បារមន ខេត្តកំពង់ស្ពឺ។ មជ្ឈមណ្ឌលអភិវឌ្ឍន៍ជនបទកម្ពុជា-កូរ៉េ សាងសង់អស់ទឹកប្រាក់       ២ ១៦៨ ០០០ ដុល្លារអាមេរិក រួមទាំងសម្ភារបរិក្ខា ចំណាយទឹកប្រាក់អស់ ២៥៧ ០០៣,២១ ដុល្លារអាមេរិក ជាជំនួយឥតសំណងរបស់ សាធារណរដ្ឋកូរ៉េ តាមរយៈ KOCA៕