លោកនាយករដ្ឋមន្រ្តី ហ៊ុន សែន៖ កម្ពុជាទទួលបានផលិតផលស្រូវប្រមាណជិត១០លានតោនក្នុង១ឆ្នាំ និងអង្ករជិត៣លានតោន

លោកនាយករដ្ឋមន្ត្រីនៃ ហ៊ុន សែន បានថ្លែងថាកម្ពុជាទទួលបានផលិតផលស្រូវប្រមាណជិត១០លានតោនក្នុង១ឆ្នាំ និងអង្ករជិត៣លានតោន។ លោក បានថ្លែងដូចនេះ ក្នុងឱកាស អញ្ជើញជាអធិបតីភាពដ៏ខ្ពង់ខ្ពស់នៅក្នុងពីធីបិទសន្និបាតរបស់ក្រសួងកសិកម្ម រុក្ខាប្រមាញ់ និងនេសាទទូទាំងប្រទេសប្រចាំឆ្នាំ ២០១៦-២០១៧ និងលើកទិសដៅការងារសម្រាប់ឆ្នាំ ២០១៧-២០១៨ នៅវិមានសន្តិភាព រាជធានីភ្នំពេញ នៅថ្ងៃទី១០ ខែមេសា ឆ្នាំ២០១៧ ។

ប្រមុខរាជរដ្ឋាភិបាលកម្ពុជា បានមានប្រសាសន៍ថា សន្និបាតនេះជាឱកាសនៃការចែករំលែកបទពិសោធន៍សម្រាប់ប្រជាកសិករគ្រប់រូបផងដែរ។ លោក ក៏បានបញ្ជាក់ថា បច្ចុប្បន្ន កម្ពុជាទទួលបានផលិតផលស្រូវប្រមាណជិត១០លានតោនក្នុង១ឆ្នាំ និងអង្ករជិត៣លានតោន។

នៅក្នុងឱកាសនោះ លោកនាយករដ្ឋមន្រ្តី ហ៊ុន សែន ក៏បានវាយតម្លៃខ្ពស់ចំពោះអង្គសន្និបាតនេះ ដែលក្រសួងកសិកម្ម រុក្ខាប្រមាញ់ និងនេសាទបានខិតខំបំពេញភារកិច្ចប្រកបដោយស្មារតីទទួលខុសត្រូវ ដែលឆ្លុះបញ្ចាំងឱ្យឃើញពីការចូលរួមចំណែករបស់យើងទាំងអស់គ្នាទៅក្នុងការអនុវត្តយុទ្ធសាស្ត្រចតុកោណរបស់រាជរដ្ឋាភិបាល ដើម្បីទ្រទ្រង់កំណើនសេដ្ឋកិច្ច ធានាសមធម៌ ធានាសន្តិសុខស្បៀង ការកាត់បន្ថយភាពក្រីក្រ និងជំរុញការអភិវឌ្ឍន៍ជនបទ៕