លោកនាយករដ្ឋមន្រ្តី ហ៊ុន សែន ផ្តល់អនុសាសន៍៩ចំណុច ដើម្បីបន្តអភិវឌ្ឍន៍វិស័យកសិកម្ម

លោកនាយករដ្ឋមន្ត្រីនៃ ហ៊ុន សែន បានអញ្ជើញជាអធិបតីភាពដ៏ខ្ពង់ខ្ពស់នៅក្នុងពីធីបិទសន្និបាតរបស់ក្រសួងកសិកម្ម រុក្ខាប្រមាញ់ និងនេសាទទូទាំងប្រទេសប្រចាំឆ្នាំ ២០១៦-២០១៧ និងលើកទិសដៅការងារសម្រាប់ឆ្នាំ ២០១៧-២០១៨ នៅវិមានសន្តិភាព រាជធានីភ្នំពេញ នៅថ្ងៃទី១០ ខែមេសា ឆ្នាំ២០១៧ ។

នៅក្នុងឱកាសនោះ ប្រមុខរាជរដ្ឋាភិបាលកម្ពុជា បានថ្លែងអំណរគុណចំពោះក្រសួងកសិកម្ម រុក្ខាប្រមាញ់ និងសាសាទ និងផ្នែកពាក់ព័ន្ធដែលបានចូលរួមជំរុញឱ្យវិស័យនេះមានការរីចម្រើន ជាពិសេសភ្នាក់ងារស្រាវជ្រាវអភិវឌ្ឍន៍ពូជស្រូវ និងវិទ្យាស្ថានស្រាវជ្រាវ និងអភិវឌ្ឍន៍កម្ពុជា ក្នុងការសិក្សាស្រាវជ្រាវលើពូជដំណាំផ្សេៗ។ លោកនាយករដ្ឋមន្រ្តី ហ៊ុន សែន បានផ្តល់នូវអនុសាសន៍សំខាន់ៗមួយចំនួនដូចជា៖

១- ត្រូវខិតខំលើផ្នែកវិស័យកសិកម្មនេះអោយទៅជាកសិកម្មទំនើប ពង្រីកទំនើបកម្មនេះបន្ថែមទៀត និងបង្កើតជំនាញនៃការកែច្នៃផលិតផលកសិកម្មឱ្យបានច្រើនបន្ថែមទៀត។
២- ចូលរួមលើកកម្ពស់ការវិនិយោគនៃវិស័យឯកជនក្នុងការបង្កើតផលិតផលក្នុងស្រុក នាំចេញផលិតផលកសិកម្មឱ្យបានច្រើន ដើម្បីធ្វើការប្រកួតប្រជែងទាំងក្នុងស្រុក និងក្រៅស្រុក។
៣- ចូលរួមពង្រឹងគុណភាពផលិតផលកសិកម្ម ទប់ស្កាត់ផលិតផលខូចគុណភាព ដែលធ្វើឱ្យខូចទីផ្សារក្នុងស្រុក និងធ្វើឱ្យបាត់បង់កំលាំងចិត្តកសិករ និងខិតខំចរចាជាមួយអង្គការពាណិជ្ជកម្មពិភពលោកក្នុងការនាំចេញផលិតផលកសិកម្មឱ្យបានច្រើន និងត្រូវខិតខំរកទីផ្សារឱ្យប្រជាកសិករ។
៤- បន្តការស្រាវជ្រាវនូវបច្ចេកទេសនៃវិស័យកសិកម្មបន្ថែមទៀត។
៥- ពង្រឹងកសាងវិស័យហេដ្ឋារចនាសម្ព័នកសិកម្ម ពង្រីកប្រព័ន្ធធារាសាស្ត្របន្ថែមទៀត និងចូលរួមចងក្រងពង្រឹងសហគន៍កសិករ ដូចជាចងក្រងសហគន៍ដំណាំម្រេច និងកៅស៊ូជាដើម។
៦- បន្តអនុវត្តន៍វារីវប្បកម្មបន្ថែមទៀត ដូចជាការដាំដំណាំស្រូវ ការចិញ្ចឹមត្រី និងសត្វផ្សេងៗ និងចូលរួមទប់ស្កាត់បទល្មើសកសិកម្មផ្សេងៗ។
៨- តាមដានត្រួតពិនិត្យ ថែរក្សាសហគមន៍ព្រៃឈើ និងទប់ស្តាត់ការកាប់បំផ្លាញព្រៃឈើ និងទី ៩- ទប់ស្កាត់បទល្មើសព្រៃឈើ សហការជាមួយផ្នែកពាក់ព័ន្ធ និងការពារជលផលឱ្យគង់វង្ស៕