សមាគមកម្ពុជាការពារអ្នកកាសែត ចេញសេចក្តីថ្លែងការណ៍ ស្តីពីពិធីជួបជុំរវាងលោកនាយករដ្ឋមន្រ្ដី ហ៊ុន សែន និងអ្នកសារព័ត៌មានលើកទី២

នៅល្ងាចថ្ងៃទី២១ ខែមករា​ ឆ្នាំ២០១៨នេះ លោកនាយករដ្ឋមន្រ្ដី ហ៊ុន សែន នឹងធ្វើកិច្ចជំនួបព្រមទាំងបាយ សាមគ្គី ប្រចាំឆ្នាំជាលើកទី២ ជាមួយអ្នកសារព័ត៌មាន អ្នកនាំពាក្យព្រមទាំងមន្រ្តីក្រសួងព័ត៌មានសរុបប្រមាណ ៣៤០០នាក់ នៅមជ្ឈមណ្ឌលសន្និបាត និងពិពរណ៌ កោះពេជ្រ។

ជាមួយនោះដែរ សមាគមកម្ពុជាការពារអ្នកកាសែត សូមស្វាគមន៍ចំពោះការរៀបចំជំនួបប្រចាំឆ្នាំលើកទី២ រវាងលោកនាយករដ្ឋមន្ត្រី ហ៊ុន សែន និងអ្នកសារព័ត៌មានដែលនឹងប្រព្រឹត្តទៅនៅមជ្ឈមណ្ឌលសន្និបាត និងពិព័រណ៌កោះពេជ្រ នៅល្ងាចថ្ងៃទី២១ ខែមករា ឆ្នាំ២០១៨ នេះក្រោមការសម្របសម្រួលរៀបចំដោយ ក្រសួងព័ត៌មាន។

សមាគមកម្ពុជាការពារអ្នកកាសែត បានលើកឡើងថា ជំនួបប្រចាំឆ្នាំរវាងលោកនាយករដ្ឋមន្ត្រី និងអ្នកសារព័ត៌ មានប្រមាណជាង៣ពាន់ នាក់នៅថ្ងៃនេះ គឺពិតជាមានសារៈសំខាន់សម្រាប់វិស័យសារព័ត៌មានកម្ពុជា និងជា ឱកាសពង្រីក និងពង្រឹងទំនាក់ទំនងបន្ថែមទៀត រវាងមន្ត្រីសាធារណៈជាប្រភពព័ត៌មាន និងអ្នកសារព័ត៌មាន ដែលត្រូវការប្រភពព័ត៌មានដើម្បីបម្រើឱ្យការផ្សព្វផ្សាយព័ត៌មានពិតឥតលម្អៀង រហ័ស និងជឿទុកចិត្តសម្រាប់ សាធារណជន។ ខាងក្រោមនេះជាសេចក្តីថ្លែងការណ៍ របស់សមាគមកម្ពុជាការពារអ្នកកាសែត៖