ក្រសួងមុខងារសាធារណៈ សហការជាមួយធនាគារពិភពលោក បានរៀបចំសិក្ខាសាលាស្តីពីការកែលម្អការផ្តល់សេវាសាធារណៈ

នៅថ្ងៃទី២៨ ខែមេសា ឆ្នាំ២០១៧ ក្រសួងមុខងារសាធារណៈសហការជាមួយធនាគារពិភពលោក បានរៀបចំសិក្ខាសាលាស្តីពីការកែលម្អការផ្តល់សេវាសាធារណៈ ក្រោមអធិបតីភាពលោក យក់ ប៊ុនណា រដ្ឋលេខាធិការក្រសួងមុខងារសាធារណៈដោយមាន សិក្ខាកាមចូលរួមពីមន្ត្រីជំនាញជាន់ខ្ពស់ទទួលបន្ទុកការងារការផ្តល់សេវាសាធារណៈមកពី គ្រប់ក្រសួង-ស្ថាប័នថ្នាក់ជាតិ និងតំណាងដៃគូរអភិវឌ្ឍ ចំនួន ៥៧ នាក់ នៅសណ្ឋាគារ Raffles Hotel Le Royal ។ សិក្ខាសាលាត្រូវបានរៀបចំឡើង ដើម្បីប្រមូលធាតុចូលសម្រាប់ការរៀបចំសេចក្តីព្រាងច្បាប់ស្តីពីសេវាសាធារណៈ ដើម្បីលើកកម្ពស់គុណភាព និងប្រសិទ្ធភាពនៃការផ្តល់សេវាសាធារណៈ។ រាជរដ្ឋាភិបាលកម្ពុជាតាមរយៈ ការអនុវត្តកម្មវិធីជាតិកំណែទម្រង់រដ្ឋបាលសាធារណៈ ២០១៥-២០១៨ នឹងប្រែក្លាយរដ្ឋបាលសាធារណៈ ឱ្យទៅជាអ្នកផ្តល់សេវាសាធារណៈដ៏មានប្រសិទ្ធភាព ក្នុងគោលដៅរួម គឺបម្រើប្រជាពលរដ្ឋឱ្យបានកាន់តែប្រសើរឡើង៕