ក្រសួងការ​ងារបង្ហាញថា​ឆ្នាំ២០១៧​នេះ បញ្ហាសុខភាព​និងសុវត្ថិភាព​ការងារ​របស់ក​ម្មករ​មានភាពល្អប្រសើរ​

លោក លោក ទេស រុក្ខាផល អគ្គលេខាធិការរងក្រសួងការងារ និងបណ្តុះបណ្តាលវិជ្ជាជីវៈបានឱ្យដឹងថាឆ្នាំ២០១៧នេះ ស្ថានសុខភាព និងសុវត្ថិភាពការងាររបស់កម្មករ និងយោជិកមានលក្ខណៈល្អប្រសើរទាំងលក្ខ័ណ្ឌការងារ និងសេវាពិនិត្យសុខភាពដោយឥគិថ្លៃនៅថ្ងៃទី២៨ ខែមេសានេះ ។

លោក ទេស រុក្ខាផល បានបន្តថា រាជរដ្ឋាភិបាលដាក់ចេញនូវគោលនយោបាយជាច្រើនដើម្បីសម្រួលនូវលក្ខ័ណ្ឌការងារ ក៏ដូចជាបញ្ហាសុខភាព សុវត្ថិភាពរបស់កម្មករនិយោជិក ដែលកំពុងធ្វើការក្នុងវិស័យវាយនភ័ណ្ឌ កាត់ដេរសំលាក់បំពាក់ និងស្បែកជើង។

លោកបញ្ជាក់ថា រាជរដ្ឋាភិបាលបានដាក់ចេញនូវអនុក្រឹត្យស្តីពីរបបបេឡាជាតិសន្តិសុខសង្គម ក្នុងគោលបំណងគាំពារ ចំពោះកម្មករពេលមាន ថ្នាក់គ្រោះការងារ និងពិនិត្យសុខភាពដោយមិនគិតថ្លៃ។នៅចុងឆ្នាំ២០១៧នេះ កម្មករនិយោគជិកទាំងអស់ និងមានប្រាក់សោធននិវត្តន៍ដូចជាមន្ត្រីរាជការផងដែរ។

លោកបញ្ជាក់ទៀតថា ក្រសួងការងារបង្កើតក្រុមអធិការកិច្ចដើម្បីពិនិត្យតាមដានរាល់លក្ខ័ណ្ឌការងារជួនកម្មករដោយមិនអោយមានការរំលោភបំពានពីសំណាក់ថោកែ ឬម្ចាស់សហគ្រាសនោះទេ។ ជាមួយគ្នានោះក្រួសួងត្រៀមដាក់ឲ្យប្រើប្រាស់ប្រព័ន្ធទូរស័ព្ទ និងសេវាអនឡាញដើម្បីរង់ចាំទទួលពាក្យបណ្តឹងពីកម្មករដោយផ្ទាល់នៅពេលដែលមានបញ្ហារំលោភបំពាន ឬមានគ្រោះអាសន្នអីកើតឡើង។

សូមជម្រាបផងដែរ គោលបំណងដើម្បីលើកកម្ពស់សុខភាព និងសុវត្ថិភាពការងារ និងជំងឺវិជ្ជាជីវៈការងារនៅលើពិភពលោក។ ដោយឡែកកម្ពុជាទិវានេះប្រារពឡើង១២ឆ្នាំហើយ ដើម្បីបង្កើនការយល់ដឹងដល់កម្មករ​​និយោគ​ជិកនិងថៅកែរឲ្យចូលរួមលើកសុវត្ថិភាពការងារជូនកម្មករឲ្យកាន់តែល្អប្រសើរឡើង៕