ប្រមុខរាជរដ្ឋាភិបាលសម្តេចតេជោ ហ៊ុន សែន បានអនុញ្ញាតឲ្យឯកឧត្តម វីលៀម ហេដ្ឋ (William
Heidt) ឯកអគ្គ រដ្ឋទូតសហរដ្ឋអាមេរិកថ្មីប្រចាំកម្ពុជា
ចូលជួបសម្តែងការគួសម និងពិភាក្សាការងារ នាព្រឹកថ្ងៃទី២៨ ខែមករា ឆ្នាំ២០១៦នេះ
នៅវិមានសន្តិភាព។
បន្ទាប់ពីបញ្ចប់ជំនួប
ឯកឧត្តម អ៊ាង សុផល្លែត ជំនួយកា
រផ្ទាល់សម្តេចតេជោ នាយករដ្ឋមន្រ្តី
បានប្រាប់អ្នកសារព័ត៌មានថា ឯកឧត្តម វីលៀម ហេដ បានជម្រាប ជួនសម្តេចតេជោថា ឯកឧត្តម បានមកបំពេញបេសកម្មការទូត
នៅក្នុងព្រះរាជាណាចក្រកម្ពុជា
កាលពីទសវត្ស៩០ ដោយពេលនោះ ឯកឧត្តម បានបម្រើការងារជាកិច្ចការសេដ្ឋកិច្ចនៅក្នុងស្ថានទូតសហរដ្ឋអាមេរិកនៅ
កម្ពុជា នៅពេលនោះហើយ
ដែលឯកឧត្តមបានជួបភរិយារបស់ខ្លួន ដែលមានដើមកំណើតនៅខេត្តពោធិ៍សាត់។
ឯកឧត្តម វីលៀម ហេដ បានលើកឡើង
នៅចំពោះមុខសម្ដេចតេជោថា
រយៈពេល១៥ឆ្នាំកន្លងមកនេះ ឯកឧត្តមបានសង្កេតឃើញព្រះរាជាណាចក្រកម្ពុជា
មានការរីកចម្រើនយ៉ាងខ្លាំង ដោយឯកឧត្តមបានគោរពវាយតម្លៃខ្ពស់
ជាពិសេសចំពោះការរីកចម្រើនទាំងខាងសេដ្ឋកិច្ច, អប់រំ, កាត់បន្ថយភាពក្រីក្រ
និងជាពិសេសការរីកចម្រើន នៃជីវភាពរស់នៅរបស់ប្រជាជនកម្ពុជា។
ឯកឧត្ដម
បានបញ្ជាក់ថា
នៅក្នុងបេសកម្មការទូតរបស់ឯកឧត្តមនៅពេលនេះ ឯកឧត្តមនឹងធ្វើនូវអ្វីៗ
ដែលនាំប្រយោជន៍ដល់ជាតិទាំងពីរ ជាពិសេសនូវអ្វីដែល សម្តេចតេជោ ហ៊ុន សែន បានពិភាក្សាជាមួយនឹងឯកឧត្តម
ចន ឃើរី រដ្ឋមន្ត្រីការ
បរទេសសហរដ្ឋអាមេរិក
កាលពីពេលថ្មីៗនេះ ក្នុងការជម្រុញកិច្ចសហប្រតិបត្តិការ សេដ្ឋកិច្ច វិនិយោគ
ពាណិជ្ជកម្ម និងការផ្លាស់ប្តូរព័ត៌មានពាក់ព័ន្ធប្រយុទ្ធប្រឆាំងអំពើភេរវកម្ម។
ឯកឧត្តម
ក៏បានជម្រាបជូនសម្តេចតេជោ
អំពីជំនួយរបស់សហរដ្ឋអាមេរិក ជួយដល់កម្ពុជា ពាក់ព័ន្ធនឹងការបណ្តុះបណ្តាលធនធានមនុស្ស
ការផ្តល់នូវសម្ភារៈសម្រាប់ការទប់ស្កាត់គ្រោះមហន្តរាយជាដើម។
ជាការឆ្លើយតបសម្តេចតេជោហ៊ុន
សែន បានសម្តែងនូវការស្វាគមន៍ និងអបអរសាទចំពោះឯកឧត្តម វីលៀម ដែលត្រូវបានតែងតាំងជាឯកអគ្គរដ្ឋទូតសហរដ្ឋអាមេរិក
ប្រចាំកម្ពុជា សម្តេចបានថ្លែងអំណរគុណ ជូនចំពោះឯកឧត្តម វីលៀមដែលបាន វាយតម្លៃអំពីផលវិជ្ជមាន នៃការរីកចម្រើនរបស់កម្ពុជា
និងបានថ្លែងអំណរគុណ
ចំពោះការប្តេជ្ញាចិត្តអនុវត្តការងារ ទៅលើអ្វីដែលរាជរដ្ឋាភិបាលកម្ពុជា
បានពិភាក្សាជាមួយនឹងឯកឧត្តម ចន ឃើរី កាលពីពេលថ្មីៗកន្លងទៅនេះ។
ជាមួយគ្នានេះសម្ដេចតេជោ ហ៊ុន សែន ក្នុងនាម រាជរដ្ឋាភិបាលក៏បានថ្លែងអំណរគុណ
ចំពោះជំនួយសហរដ្ឋអាមេរិក ដែលបានជួយកម្ពុជា កាលពីពេលកន្លងមក
ដោយសម្តេចបានវាយតម្លៃថា ទំនាក់ទំនងផ្នែកសេដ្ឋកិច្ច
ពាណិជ្ជកម្ម រវាងប្រទេសទាំង២ ដែលបានកើតមានឡើងកន្លងមក
គឺជាមូលដ្ឋានគ្រឹះនៃទំនាក់ទំនងលើវិស័យផ្សេងៗ
ទៀតសម្រាប់កម្ពុជា និងសហរដ្ឋអាមេរិក៕
No comments:
Post a Comment