ឯកអគ្គរដ្ឋទូតសហគមន៍អឺរ៉ុបប្រចាំកម្ពុជាថ្មីឯកឧត្ដម George Edgar បានសម្ដែងការអបអរសាទរ ចំពោះរាជរដ្ឋាភិបាលកម្ពុជា
ដែលសម្រេចបានយ៉ាងជោគជ័យនូវផែនការអភិវឌ្ឍន៍សហសវត្សរ៍។
ការសាទរនេះ ដែលធ្វើឡើងគ្រាដែលសម្ដេចតេជោ ហ៊ុន សែន នាយករដ្ឋមន្រ្ដី
នៅព្រឹកថ្ងៃទី២៨ ខែមករា ឆ្នាំ២០១៦ នេះ បានអនុញ្ញាតឲ្យ ឯកឧត្ដមGeorge
Edgar ឯកអគ្គរដ្ឋទូតសហគមន៍អឺរ៉ុបប្រចាំកម្ពុជាចូលជួបសម្ដែងការគួរសម
និងពិភាក្សាការងារ នៅវិមានសន្ដិភាព។
ឯកឧត្ដម
អ៊ាង សុផល្លែត ជំនួយការផ្ទាល់សម្ដេចតេជោ
បានមានប្រសាសន៍ប្រាប់អ្នកសារព័ត៌មានក្រោយជំនួបនោះថា ឯកឧត្ដម George Edgar ឯកអគ្គរដ្ឋទូតសហគមន៍អឺរ៉ុបប្រចាំកម្ពុជា
បានគោរពជម្រាប ជូនសម្ដេចតេជោ ថាឯកឧត្ដមធ្លាប់មកបំពេញបេសសកម្មការទូត
នៅកម្ពុជាក្នុងអំឡុងឆ្នាំ១៩៩៧
រហូតដល់ឆ្នាំ២០០០ ហើយនៅពេលឯកឧត្ដមត្រឡប់កាន់ប្រទេសកម្ពុជាលើកនេះ
ក្នុងនាមឯកអគ្គរដ្ឋទូតសហគមន៍អឺរ៉ុប
គឺឯកឧត្ដមសង្កេតឃើញមានការផ្លាស់ប្ដូរយ៉ាងច្រើន
ជាពិសេសការអភិវឌ្ឍន៍ប្រទេស។
ឯក
ឧត្ដមរដ្ឋទូតសហគមន៍អឺរ៉ុប
ក៏បានសម្ដែងការរីករាយជាខ្លាំង នូវទំនាក់ទំនងរវាងសហគមន៍អឺរ៉ុប
ជាមួយកម្ពុជា ដែលកំពុងប្រព្រឹត្ដទៅយ៉ាងល្អ
ជាពិសេសកិច្ចសហប្រតិបត្ដិការលើវិស័យអប់រំកសិកម្ម
និង វិស័យផ្សេងៗទៀត។
ក្នុងឱកាសនោះដែរឯកឧត្ដមឯកអគ្គរដ្ឋទូតសហគមន៍អឺរ៉ុប
ក៏បានអបអរសាទរជូន ចំពោះរាជរដ្ឋាភិបាល
ដែលសម្រេចបានយ៉ាងជោគជ័យ ផែនការអភិឌ្ឍន៍សហសវត្សរ៍
ដោយភាពជោគជ័យនេះហើយ គឺជាមូលដ្ឋានមួយសម្រាប់សហគមន៍អឺរ៉ុប
និងព្រះរាជាណាចក្រកម្ពុជាសហការគ្នា
ដើម្បីឈានឆ្ពោះការពង្រឹងពង្រីកទំនាក់ទំនង
នៃប្រទេសទាំងពីរ។
នៅក្នុងឱកាសនោះសម្ដេចតេជោ ហ៊ុន សែន បានសម្ដែងការអបអរសាទរ
និងស្វាគមន៍ដល់ឯកឧត្ដម George
Edgar ដែលត្រូវបានតែងតាំង
ជាឯកអគ្គរដ្ឋទូតសហគមន៍អឺរ៉ុបប្រចាំកម្ពុជា
ហើយសម្ដេចតេជោក៏បានថ្លែងអំណរគុណ
ដល់សហគមន៍អឺរ៉ុប ដែលជួយប្រទេសកម្ពុជានាពេលកន្លងមក
លើវិស័យអាទិភាព ដូចជាៈវិស័យអប់រំ, វិស័យកសិកម្ម, ជាដើម។
ប្រមុខរាជរដ្ឋាភិបាលសម្ដេចតេជោ ហ៊ុន សែន បានលើកឡើងថាកម្ពុជា
និងសហគមន៍អឺរ៉ុប មានគម្រោងជាច្រើនបាននិងកំពុងអនុវត្ដរួមគ្នា
ហើយសម្ដេចបានស្នើសុំឯកអគ្គរដ្ឋទូតសហគមន៍អឺរ៉ុប
បន្ដសហការជាមួយរាជរដ្ឋាភិបាលកម្ពុជាបន្ដទៀត
ដើម្បីធ្វើយ៉ាងណាធ្វើឲ្យគម្រោង
បានសម្រេចជោគជ័យ ដែលជាកត្ដាជំរុញទំនាក់ទំនងរវាងប្រទេសទាំងពីរ៕
No comments:
Post a Comment