លោក ឃឹម ប៊ុនសុង ចុះជួបសំណេះសំណាល​ជាមួយសមាជិកសមាជិកា​ គណបក្សប្រជាជន​ ក្នុងសង្កាត់​ចុងឃ្នៀស​ ក្រុងសៀមរាប​

សៀមរាប៖ នៅថ្ងៃទី២៦ ខែមិថុនា ឆ្នាំ២០១៨នេះ លោក ឃឹម ប៊ុនសុង សមាជិកគណៈកម្មាធិការកណ្តាល និងជាប្រធានគណៈកម្មាធិការគណៈប្រជាជនកម្ពុជាខេត្ត បានអញ្ជើញចុះជួបធ្វើការសំណេះសំណាលជាមួយសមាជិកសមាជិកា គណបក្សប្រជាជនសង្កាត់ចុងឃ្នៀស ក្រុង ខេត្តសៀមរាប និងនាំយកថវិកាជួយឧបត្ថម្ភដល់ សាលាបឋមសិក្សាចុងឃ្នៀស ដែលមានអ្នកចូលរួមសរុប ៧៦០នាក់។

មានប្រសាសន៍សំណេះសំណាលនោះដែរ លោក ឃឹម ប៊ុនសុង ក៏បានពាំនាំនូវការផ្តាំផ្ញើ នឹករលឹករបស់លោកនាយករដ្ឋមន្ត្រី ហ៊ុន សែន ប្រធានគណបក្សប្រជាជនកម្ពុជា និងលោក ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ប្រធានក្រុមការងារថ្នាក់កណ្តាលចុះជួយ ខេត្តសៀមរាប ចំពោះបងប្អូនជាសមាជិកសមាជិកានៃគណបក្សប្រជាជនសង្កាត់ចុងឃ្នៀស ក៏ដូចទូទាំងខេត្តផងដែរ។

ក្នុងឱកាសនោះ លោក ឃឹម ប៊ុនសុង ក៏បានធ្វើការថ្លែងអំណរគុណ ចំពោះបងប្អូនជាសមាជិកសមាជិកាទាំងអស់ ក្នុងឱកាសបោះឆ្នោតជ្រើសរើសក្រុមប្រឹក្សាឃុំ សង្កាត់ បានគាំទ្រគណបក្សប្រជាជនធ្វើជាចៅសង្កាត់ចុងឃ្នៀស។ លោកបានលើកឡើងទៀតថា សមាជិក សមាជិកា របស់គណបក្សប្រជាជនកម្ពុជាទាំងអស់ គឺជាឆ្អឹងខ្នងសម្រាប់ទ្រទ្រង់គណបក្សឲ្យមានភាពរីកចម្រើន និងមានការគាំទ្រពីបងប្អូនប្រជាពលរដ្ឋគ្រប់មជ្ឈដ្ឋាន ក្នុងនោះ សមាជិករបស់គណបក្សដែលនៅតាមភូមិ ឃុំ សង្កាត់គ្រប់ទីកន្លែង ដែលមានតួនាទីនៅក្នុងជួរមន្ត្រីរាជការ ដូចជា លោកមេឃុំ លោកមេភូមិ និងក្រុមប្រឹក្សាឃុំ សង្កាត់ ត្រូវខិតខំបម្រើសេវាសាធារណៈនៅតាមមូលដ្ឋានរបស់ខ្លួន ទាំងសេវាតម្រូវការ សេវាចាំបាច់ ជាពិសេសលិខិតស្នាមផ្សេងៗ ដែលបម្រើឲ្យផលប្រយោជន៍បងប្អូនប្រជាពលរដ្ឋ ក្នុងការរស់នៅប្រចាំថ្ងៃ ឲ្យបានប្រសើរឡើងថែមទៀត។

លោក ឃឹម ប៊ុនសុង បានបញ្ជាក់ជូនសមាជិកទាំងអស់ថា មានតែគណបក្សប្រជាជនកម្ពុជាទេ ដែលមិនរត់ចោលប្រជាពលរដ្ឋ គឺតែងតែនៅរួមសុខរួមទុក្ខ ជាមួយប្រជាពលរដ្ឋ។

ក្នុងពិធីសំណេះសំណាលនោះដែរ លោកប្រធានគណបក្សខេត្ត ក៏បានជម្រុញឲ្យអាជ្ញាធរគ្រប់លំដាប់ថ្នាក់ ត្រូវបន្តខិតខំថែរក្សាសន្តិសុខ សុវត្ថិភាពជូនប្រជាពលរដ្ឋ ជាពិសេសក្នុងអំឡុងមុនពេល និងក្រោយការបោះឆ្នោតជ្រើសតាំងតំណាងរាស្ត្រអាណត្តិទី៦នេះ រួមទាំងការទប់ស្កាត់សកម្មភាពបង្កចលាចលនៅមូលដ្ឋានផងដែរ។ ដោយកត្តាសន្តិភាពនេះហើយ បានធ្វើឲ្យតំបន់ចុងឃ្នៀស មានការអភិវឌ្ឍន៍ និងកាត់បន្ថយពីការនេសាទរបស់បងប្អូន មកបម្រើសេវាទេសចរណ៍ បានធ្វើឲ្យសេដ្ឋកិច្ចគ្រួសារបងប្អូនកាន់តែមានភាពប្រសើរឡើង ម៉្យាងទៀតក៏បានទាក់ទាញដល់សប្បុរសជនជាតិ អន្តរជាតិ ជួយដល់វិស័យអប់រំ នៅក្នុងសង្កាត់ចុងឃ្នៀសនេះ សំខាន់សម្ព័ន្ធភាពក្រុងស៊ូវ៉ុន នៃសាធារណរដ្ឋកូរ៉េ បានកសាងនូវអនុវិទ្យាល័យ និងបន្តជួយសាងសង់អគារវិទ្យាល័យជូនដល់កូនចៅបងប្អូនក្នុងតំបន់ចុងឃ្នៀសនេះផងដែរ។

មានប្រសាសន៍ក្នុងពិធីនោះ លោក ឃឹម ប៊ុនសុង ក៏បានថ្លែងអំណរគុណដល់សមាជិក សមាជិការទាំងអស់ ដែលបានខិតខំលះបង់កម្លាំងកាយចិត្ត ពេលវេលាផ្ទាល់ខ្លួន ដើម្បីបម្រើប្រជាពលរដ្ឋកន្លងមក និងធ្វើការផ្សព្វផ្សាយដល់បងប្អូនប្រជាពលរដ្ឋគ្រប់មជ្ឈដ្ឋាន នឹងកៀងគរបងប្អូនដែលមានឈ្មោះក្នុងបញ្ជីឈ្មោះបោះឆ្នោត អញ្ជើញទៅបោះឆ្នោតនៅថ្ងៃទី២៩ ខែកក្កដា ខាងមុខនេះ ឲ្យបានគ្រប់ៗគ្នាជូនគណបក្សប្រជាជនកម្ពុជា ដើមី្បទទួលបាននូវការអភិវឌ្ឍន៍មូលដ្ឋានរបស់ខ្លួនជាបន្តទៀត។

ឆ្លើយតបនូវសំណូមពរលោកនាយកសាលាបឋមសិក្សា លោក ឃឹម ប៊ុនសុង បានឧបត្ថម្ភនូវការចាក់ដីបំពេញទីធ្លាសាលា និងសាងសង់អាគារសិក្សា ១ខ្នង ៤បន្ទប់ ព្រមទាំងបានឧបត្ថម្ភនូវថវិកា ចំនួន ៨៤១០ដុល្លា ដើមី្បទិញនូវសម្ភារៈបរិក្ខា និងគ្រឿងសង្ហារឹម ក្នុងបន្ទប់អគារសិក្សា ក្នុងសាលាបឋមសិក្សាចុងឃ្នៀស និងជូនដល់បងប្អូនជាសមាជិកសមាជិកា ទាំង៧៦០នាក់ ម្នាក់ៗសារុង១ ថវិកា២ម៉ឺនរៀល, លោកគ្រូអ្នកគ្រូ ២១នាក់ ម្នាក់ៗ ៥ម៉ឺនរៀល , សិស្សានុសិស្ស ៥៥នាក់ ម្នាក់ៗ ១ម៉ឺនរៀលផងដែរ៕
លោក ឃឹម ប៊ុនសុង ចុះជួបសំណេះសំណាលជាមួយសមាជិកសមាជិកា គណបក្សប្រជាជន ក្នុងសង្កាត់ចុងឃ្នៀស ក្រុងសៀមរាប

នៅថ្ងៃទី២៦ ខែមិថុនា ឆ្នាំ២០១៨នេះ លោក ឃឹម ប៊ុនសុង សមាជិកគណៈកម្មាធិការកណ្តាល និងជាប្រធានគណៈកម្មាធិការគណៈប្រជាជនកម្ពុជាខេត្ត បានអញ្ជើញចុះជួបធ្វើការសំណេះសំណាលជាមួយសមាជិកសមាជិកា គណបក្សប្រជាជនសង្កាត់ចុងឃ្នៀស ក្រុង ខេត្តសៀមរាប និងនាំយកថវិកាជួយឧបត្ថម្ភដល់ សាលាបឋមសិក្សាចុងឃ្នៀស ដែលមានអ្នកចូលរួមសរុប ៧៦០នាក់។

មានប្រសាសន៍សំណេះសំណាលនោះដែរ លោក ឃឹម ប៊ុនសុង ក៏បានពាំនាំនូវការផ្តាំផ្ញើ នឹករលឹករបស់លោកនាយករដ្ឋមន្ត្រី ហ៊ុន សែន ប្រធានគណបក្សប្រជាជនកម្ពុជា និងលោក ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ប្រធានក្រុមការងារថ្នាក់កណ្តាលចុះជួយ ខេត្តសៀមរាប ចំពោះបងប្អូនជាសមាជិកសមាជិកានៃគណបក្សប្រជាជនសង្កាត់ចុងឃ្នៀស ក៏ដូចទូទាំងខេត្តផងដែរ។

ក្នុងឱកាសនោះ លោក ឃឹម ប៊ុនសុង ក៏បានធ្វើការថ្លែងអំណរគុណ ចំពោះបងប្អូនជាសមាជិកសមាជិកាទាំងអស់ ក្នុងឱកាសបោះឆ្នោតជ្រើសរើសក្រុមប្រឹក្សាឃុំ សង្កាត់ បានគាំទ្រគណបក្សប្រជាជនធ្វើជាចៅសង្កាត់ចុងឃ្នៀស។ លោកបានលើកឡើងទៀតថា សមាជិក សមាជិកា របស់គណបក្សប្រជាជនកម្ពុជាទាំងអស់ គឺជាឆ្អឹងខ្នងសម្រាប់ទ្រទ្រង់គណបក្សឲ្យមានភាពរីកចម្រើន និងមានការគាំទ្រពីបងប្អូនប្រជាពលរដ្ឋគ្រប់មជ្ឈដ្ឋាន ក្នុងនោះ សមាជិករបស់គណបក្សដែលនៅតាមភូមិ ឃុំ សង្កាត់គ្រប់ទីកន្លែង ដែលមានតួនាទីនៅក្នុងជួរមន្ត្រីរាជការ ដូចជា លោកមេឃុំ លោកមេភូមិ និងក្រុមប្រឹក្សាឃុំ សង្កាត់ ត្រូវខិតខំបម្រើសេវាសាធារណៈនៅតាមមូលដ្ឋានរបស់ខ្លួន ទាំងសេវាតម្រូវការ សេវាចាំបាច់ ជាពិសេសលិខិតស្នាមផ្សេងៗ ដែលបម្រើឲ្យផលប្រយោជន៍បងប្អូនប្រជាពលរដ្ឋ ក្នុងការរស់នៅប្រចាំថ្ងៃ ឲ្យបានប្រសើរឡើងថែមទៀត។

លោក ឃឹម ប៊ុនសុង បានបញ្ជាក់ជូនសមាជិកទាំងអស់ថា មានតែគណបក្សប្រជាជនកម្ពុជាទេ ដែលមិនរត់ចោលប្រជាពលរដ្ឋ គឺតែងតែនៅរួមសុខរួមទុក្ខ ជាមួយប្រជាពលរដ្ឋ។

ក្នុងពិធីសំណេះសំណាលនោះដែរ លោកប្រធានគណបក្សខេត្ត ក៏បានជម្រុញឲ្យអាជ្ញាធរគ្រប់លំដាប់ថ្នាក់ ត្រូវបន្តខិតខំថែរក្សាសន្តិសុខ សុវត្ថិភាពជូនប្រជាពលរដ្ឋ ជាពិសេសក្នុងអំឡុងមុនពេល និងក្រោយការបោះឆ្នោតជ្រើសតាំងតំណាងរាស្ត្រអាណត្តិទី៦នេះ រួមទាំងការទប់ស្កាត់សកម្មភាពបង្កចលាចលនៅមូលដ្ឋានផងដែរ។ ដោយកត្តាសន្តិភាពនេះហើយ បានធ្វើឲ្យតំបន់ចុងឃ្នៀស មានការអភិវឌ្ឍន៍ និងកាត់បន្ថយពីការនេសាទរបស់បងប្អូន មកបម្រើសេវាទេសចរណ៍ បានធ្វើឲ្យសេដ្ឋកិច្ចគ្រួសារបងប្អូនកាន់តែមានភាពប្រសើរឡើង ម៉្យាងទៀតក៏បានទាក់ទាញដល់សប្បុរសជនជាតិ អន្តរជាតិ ជួយដល់វិស័យអប់រំ នៅក្នុងសង្កាត់ចុងឃ្នៀសនេះ សំខាន់សម្ព័ន្ធភាពក្រុងស៊ូវ៉ុន នៃសាធារណរដ្ឋកូរ៉េ បានកសាងនូវអនុវិទ្យាល័យ និងបន្តជួយសាងសង់អគារវិទ្យាល័យជូនដល់កូនចៅបងប្អូនក្នុងតំបន់ចុងឃ្នៀសនេះផងដែរ។

មានប្រសាសន៍ក្នុងពិធីនោះ លោក ឃឹម ប៊ុនសុង ក៏បានថ្លែងអំណរគុណដល់សមាជិក សមាជិការទាំងអស់ ដែលបានខិតខំលះបង់កម្លាំងកាយចិត្ត ពេលវេលាផ្ទាល់ខ្លួន ដើម្បីបម្រើប្រជាពលរដ្ឋកន្លងមក និងធ្វើការផ្សព្វផ្សាយដល់បងប្អូនប្រជាពលរដ្ឋគ្រប់មជ្ឈដ្ឋាន នឹងកៀងគរបងប្អូនដែលមានឈ្មោះក្នុងបញ្ជីឈ្មោះបោះឆ្នោត អញ្ជើញទៅបោះឆ្នោតនៅថ្ងៃទី២៩ ខែកក្កដា ខាងមុខនេះ ឲ្យបានគ្រប់ៗគ្នាជូនគណបក្សប្រជាជនកម្ពុជា ដើមី្បទទួលបាននូវការអភិវឌ្ឍន៍មូលដ្ឋានរបស់ខ្លួនជាបន្តទៀត។

ឆ្លើយតបនូវសំណូមពរលោកនាយកសាលាបឋមសិក្សា លោក ឃឹម ប៊ុនសុង បានឧបត្ថម្ភនូវការចាក់ដីបំពេញទីធ្លាសាលា និងសាងសង់អាគារសិក្សា ១ខ្នង ៤បន្ទប់ ព្រមទាំងបានឧបត្ថម្ភនូវថវិកា ចំនួន ៨៤១០ដុល្លា ដើមី្បទិញនូវសម្ភារៈបរិក្ខា និងគ្រឿងសង្ហារឹម ក្នុងបន្ទប់អគារសិក្សា ក្នុងសាលាបឋមសិក្សាចុងឃ្នៀស និងជូនដល់បងប្អូនជាសមាជិកសមាជិកា ទាំង៧៦០នាក់ ម្នាក់ៗសារុង១ ថវិកា២ម៉ឺនរៀល, លោកគ្រូអ្នកគ្រូ ២១នាក់ ម្នាក់ៗ ៥ម៉ឺនរៀល , សិស្សានុសិស្ស ៥៥នាក់ ម្នាក់ៗ ១ម៉ឺនរៀលផងដែរ៕