នៅថ្ងៃទី១១ ខែមីនា ឆ្នាំ២០១៧នេះ ទំព័រហ្វេសប៊ុក ចៅចាក់ស្មុក បានបង្ហោះផ្សាយជុំវិញការជម្លោះផ្ទៃក្នុងបក្សលើការតែងតាំងបេក្ខភាពសម្រាប់ចូលរួមប្រកួតប្រជែងក្នុងការបោះឆ្នោតក្រុមប្រឹក្សាឃុំសង្កាត់ ដែលមានខ្លឹមសារដូចខាងក្រោម៖
វាំងននជម្លោះផ្ទៃក្នុងបក្សលើការតែងតាំងបេក្ខភាពសម្រាប់ចូលរួមប្រកួតប្រជែងក្នុងការបោះឆ្នោតក្រុមប្រឹក្សាឃុំសង្កាត់បានបើកបណ្តើរៗហើយ សូម្បីតែនៅតំបន់ជនជាតិភាគតិចក៏កើតមានដែរ។ វិទ្យុអាស៊ីសេរីដែលស្និទ្ធនឹងបក្សប្រឆាំងបានផ្សាយថា មេឃុំប៉ាតេ មកពីកូតាគណបក្ស សម រង្ស៊ី បានចោទប្រកាន់មន្ត្រីជាន់ខ្ពស់គណបក្សសង្គ្រោះជាតិ ខេត្តរតនគិរីថា ចាត់តាំងបេក្ខជនឈរឈ្មោះបោះឆ្នោតក្រុមប្រឹក្សាឃុំ-សង្កាត់ មិនត្រឹមត្រូវ មិនយុត្តិធម៌ និងបក្ខពួកនិយម។ ការចោទប្រកាន់នេះ ធ្វើឡើងក្រោយពេលមេឃុំប៉ាតេ ជំទប់ទី១ និងក្រុមប្រឹក្សាឃុំប៉ាតេដែលជាក្រុម សម រង្ស៊ី និយមមិនត្រូវបានគណៈកម្មការគណបក្សសង្គ្រោះជាតិខេត្តរតនគិរី អនុញ្ញាតឱ្យចុះបញ្ជីបេក្ខជនឈរឈ្មោះបោះឆ្នោតក្រុមប្រឹក្សាឃុំ-សង្កាត់ អាណត្តិទី៤នេះ។ មន្ត្រី សម រង្ស៊ី និយមដែលអាក់អន់ចិត្តនេះបានអំពាវនាវឱ្យថ្នាក់ដឹកនាំគណបក្សសង្គ្រោះជាតិ ចុះស៊ើបអង្កេតពីភាពមិនប្រក្រតីនៃការបញ្ជូនបេក្ខជនឈរឈ្មោះបោះឆ្នោតក្រុមប្រឹក្សាឃុំ-សង្កាត់ដោយបានចាត់ទុកការផ្ដាច់ឈ្មោះលោកពីបេក្ខជនឈរឈ្មោះបោះឆ្នោតឃុំ-សង្កាត់ ថាជារឿងអយុត្តិធម៌ និងពុំមានការឯកភាពពីថ្នាក់ដឹកនាំបក្សនៅមូលដ្ឋាន។
សូម្បីប្រធានប្រតិបត្តិគណបក្សសង្គ្រោះជាតិខេត្តរតនគិរី លោក រ៉ាន់ សាយលឿន បានថ្លែងទទួលស្គាល់ថា
ការរៀបចំបេក្ខជនឈរឈ្មោះបោះឆ្នោតក្រុមប្រឹក្សាឃុំ-សង្កាត់ ធ្វើឡើងមិនត្រឹមត្រូវ និងពុំមានការឯកភាពពីលោក។ លោកបញ្ជាក់ថា ការរៀបចំដាក់ឈ្មោះបេក្ខជន ត្រូវតែអនុលោមតាមគោលការណ៍របស់គណបក្សបើឃុំណាជាប់ឆ្នោតគឺឃុំខ្លួនឯងជាអ្នករៀបចំ ហើយក៏ពុំមែនថ្នាក់ដឹកនាំគណបក្សស្រុក និងខែត្តមានសិទ្ធលូកដៃរៀបចំបញ្ជីឈ្មោះបេក្ខជនដែរ។ តាមព័ត៌មាន ភាពចម្រូងចម្រាសបញ្ហាផ្ទៃក្នុងរបស់គណបក្សសង្គ្រោះជាតិ ពុំមែនកើតមានតែឃុំប៉ាតេ ប៉ុណ្ណោះទេ នៅឃុំយ៉ាទុង ឃុំប៉ក់ញ៉ៃ និងឃុំស៊ើង ក៏កំពុងមានភាពចម្រូងចម្រាសបញ្ហាផ្ទៃក្នុងទាក់ទិនការដាក់បញ្ជីឈ្មោះបេក្ខជនសម្រាប់ការបោះឆ្នោតនេះដែរ។ នៅក្នុងសមាជវិសាមញ្ញបក្ស កាលពីថ្ងៃទី២ មីនា លោក យឹម សុវណ្ណ ដែលជាមនុស្សតំណាងឥទ្ធិពល សម រង្ស៊ី ក៏បានទម្លាយរឿងចម្រូងចម្រាស នេះជាសាធារណៈដែរ ដោយទទួលស្គាល់ថាពិតជាមានបញ្ហាខ្លះក្នុងការរៀបចំបញ្ជីឈ្មោះបេក្ខជនដោយសារតែប្រកាន់អតីតភាពមកពីគណបក្ស សម រង្ស៊ី និងគណបក្សសិទ្ធិមនុស្ស និងការដណ្តើមគ្នាឈរលេខរៀងទី១ ឬទី២។
ការរៀបចំបេក្ខជនឈរឈ្មោះបោះឆ្នោតក្រុមប្រឹក្សាឃុំ-សង្កាត់ ធ្វើឡើងមិនត្រឹមត្រូវ និងពុំមានការឯកភាពពីលោក។ លោកបញ្ជាក់ថា ការរៀបចំដាក់ឈ្មោះបេក្ខជន ត្រូវតែអនុលោមតាមគោលការណ៍របស់គណបក្សបើឃុំណាជាប់ឆ្នោតគឺឃុំខ្លួនឯងជាអ្នករៀបចំ ហើយក៏ពុំមែនថ្នាក់ដឹកនាំគណបក្សស្រុក និងខែត្តមានសិទ្ធលូកដៃរៀបចំបញ្ជីឈ្មោះបេក្ខជនដែរ។ តាមព័ត៌មាន ភាពចម្រូងចម្រាសបញ្ហាផ្ទៃក្នុងរបស់គណបក្សសង្គ្រោះជាតិ ពុំមែនកើតមានតែឃុំប៉ាតេ ប៉ុណ្ណោះទេ នៅឃុំយ៉ាទុង ឃុំប៉ក់ញ៉ៃ និងឃុំស៊ើង ក៏កំពុងមានភាពចម្រូងចម្រាសបញ្ហាផ្ទៃក្នុងទាក់ទិនការដាក់បញ្ជីឈ្មោះបេក្ខជនសម្រាប់ការបោះឆ្នោតនេះដែរ។ នៅក្នុងសមាជវិសាមញ្ញបក្ស កាលពីថ្ងៃទី២ មីនា លោក យឹម សុវណ្ណ ដែលជាមនុស្សតំណាងឥទ្ធិពល សម រង្ស៊ី ក៏បានទម្លាយរឿងចម្រូងចម្រាស នេះជាសាធារណៈដែរ ដោយទទួលស្គាល់ថាពិតជាមានបញ្ហាខ្លះក្នុងការរៀបចំបញ្ជីឈ្មោះបេក្ខជនដោយសារតែប្រកាន់អតីតភាពមកពីគណបក្ស សម រង្ស៊ី និងគណបក្សសិទ្ធិមនុស្ស និងការដណ្តើមគ្នាឈរលេខរៀងទី១ ឬទី២។
ការថ្លែងនៅចំពោះមុខ លោក កឹម សុខា ក៏ជាសារមួយត្រូវគេមើលឃើញថាបង្ហាញការមិនសប្បាយចិត្ត នឹងសូមឱ្យលោក កឹម សុខា គិតគូរ នឹងដោះស្រាយបញ្ហានេះ។ បញ្ហាដែលគេដឹងថាមកពីក្រុមលោក កឹម សុខា បញ្ចេញឥទ្ធិពលជ្រៀតជ្រែកយ៉ាងច្រើនក្នុងការរៀបចំបញ្ជីនេះ ដើម្បីបញ្ជ្រៀតក្រុមខ្លួនឱ្យបានច្រើនបំផុតតាមតែអាចធ្វើបាន។ ហេតុដូច្នេះហើយបានជាលោក កឹម សុខា លេបយកឃុំមួយចំនួនដែលធ្លាប់តែគណបក្ស សម រង្ស៊ី កាន់កាប់ ដូចដែលធ្លាប់អនុវត្តន៍ នៅក្នុងការរៀបចំបញ្ជីឈ្មោះតំណាងរាស្ត្រដែរ។ នេះជាកម្មរបស់ក្រុមសម រង្ស៊ីនិយម ដែលមានមេកើយចោលម្សៀត ជាអ្នកនយោបាយអង្ករកំប៉ុង រត់ចោលកូនចៅទុកឱ្យគ្នារងារ នឹងត្រូវបានគេធ្វើបាបដោយបំភ្លេច ចោលកិច្ចខិតខំប្រឹងប្រែង នឹងការលះបង់ដើម្បីបក្សរបស់ខ្លួនតាំងពីយូរមកហើយ។ សូម្បីតែមន្ត្រីស្និទ្ធនឹងលោក សម រង្ស៊ី នៅក្នុងបក្សសង្គ្រោះជាតិរាល់ថ្ងៃក៏មិនមានឥទ្ធិពលជួយកូនចៅខ្លួនបានដែរ ព្រោះសិទ្ធិអំណាចនៅលើលោក កឹម សុខា អនុប្រធានលោក ប៉ុល ហំម។
ដោយសារតែផ្ទៃក្នុងបក្សសង្គ្រោះជាតិកំពុងតែក្តៅក្រហល់ក្រហាយ នឹងមាននិន្នាការចាកចេញពីបក្ស ទីកន្លែងដែលត្រជាក់ត្រជុំបំផុតនោះគឺនៅផ្ទះទេវតា ដែលជាកន្លែងសុខសាន្តរបស់មនុស្សគ្រប់រូប។ មិនមែនផ្សាយពាណិជ្ជកម្មឱ្យផ្ទះទេវតាទេ តែតាមដែលចៅចាក់ស្មុកដឹង ទេវតាជាស្ថាបនិកនយោបាយឈ្នះ-ឈ្នះ បញ្ចប់អង្គការចាត់តាំងនយោបាយ និងយោធាខ្មែរក្រហមនាំសុខសន្តិភាពជូនជាតិ និងប្រជាជនកម្ពុជាក្នុងរយៈពេល ៥០០ ឆ្នាំចុងក្រោយក្នុងប្រវត្តិសាស្ត្រកម្ពុជា ខ្មែរទាំងអស់គ្នាជាអ្នកឈ្នះ។ ទេវតាមានព្រហ្មវិហារធម៌ណាស់ និងស្វាគមន៍ជានិច្ចនូវជនានុជនទាំងឡាយដែលចង់រួមរស់ក្នុងផ្ទះទេវតាប្រកបដោយសុខសន្តិភាព និងវឌ្ឍនភាព៕
No comments:
Post a Comment