មេឃុំ ស៊ាង ចែត, មន្រ្តីស​ង្គមស៊ីវិល និងគ.ជ. ប មួយ​ចំនួន​អាចនឹង​ឈាន​ដល់ការរួច​ទោស នៅ​ចុងឆ្នាំ​២០១៦​នេះ

(ភ្នំពេញ)៖ នៅថ្ងៃទី០៧ ខែធ្នូ ឆ្នាំ២០១៦នេះ លោក ស ខេង ឧបនាយករដ្ឋមន្រ្តី និងជារដ្ឋមន្រ្តីក្រសួងមហាផ្ទៃ បានមានប្រសាសន៍ថា លោកមេឃុំ ស៊ាង ចែត និង មន្រ្តីសង្គមស៊ីវិលមួយចំនួន ព្រមទាំងមន្រ្តី គ.ជ.ប ដែលកំពុងជាប់ឃុំ អាចមានដំណឹងល្អ អំពីការពិភាក្សា ដែលអាចឈានដល់ការរួចផុត ពីការជាប់ទោស នៅដំណាច់ឆ្នាំ២០១៦ នេះ។

លោក ស ខេង បានបញ្ជាក់ដូច្នេះបន្ទាប់ពីលោក ជួបចរចាជាមួយ លោក កឹម សុខា ប្រធានក្រុមមតិភាគតិចនៅរដ្ឋសភា នៅក្រៅកិច្ចប្រជុំពេញអង្គរដ្ឋសភា ។

លោកបានបញ្ជាក់ដំណឹងល្អនេះ សម្រាប់តែលោកមេឃុំ ស៊ាង ចែត និងមន្រ្តី គ.ជ.ប រួមទាំងមន្រ្តីអង្គការសង្គមស៊ីវិលតែប៉ុណ្ណោះ។ ចំណែកឯសកម្មជនគណបក្សប្រឆាំងមួយចំនួន លោក មិនបបានញ្ជាក់នៅឡើយទេ៕